வியாழன், 24 மே, 2018
ஜாக்டோ-ஜியோவின் மாநில ஒருங்கிணைப்புக் குழு ~ தூத்துக்குடி படுகொலைகளைக் கண்டித்தும், ஸ்டெர்லைட் ஆலையை மூடிட வலியுறுத்தியும் இன்று (24.05.2018) நாமக்கல் பூங்கா சாலையில் பிற்பகல் 05.00 மணிக்கு பெருந்திரள் ஆர்ப்பாட்டம்...
அன்பானவர்களே!வணக்கம்.
ஜாக்டோ-ஜியோவின்
மாநில ஒருங்கிணைப்புக்
குழு தூத்துக்குடி படுகொலைகளைக்
கண்டித்தும், ஸ்டெர்லைட் ஆலையை மூடிட வலியுறுத்தியும்
இன்று (24.05.2018) மாவட்டத்தலைநகரங்களில் பெருந்திரள் ஆர்ப்பாட்டம் மேற்கொள்ளுமாறு கேட்டுக்கொண்டுள்ளது.
தமிழ்நாடு தொடக்கப்பள்ளி ஆசிரியர் மன்றத்தின் பொதுச்செயலாளரும்,
ஜாக்டோ-ஜியோவின் மாநில ஒருங்கிணைப்பாளருமான பாவலர் அய்யா அவர்களின் வழிகாட்டுதலில் மாநிலத்தலைவர் அவர்கள் அலைபேசியில் அழைத்து இவ்வார்ப்பாட்டத்தை வெற்றிகரமாக்கிடுமாறு கேட்டுக்கொண்டுள்ளார்.
நாமக்கல் மாவட்ட ஜாக்டோ-ஜியோ நாமக்கல்
பூங்கா சாலையில் இன்று(24.05.18)
பிற்பகல் 05.00மணிக்கு ஆர்ப்பாட்டம் மேற்கொள்வதாக அறிவித்துள்ளது.
இதனடிப்படையில்
தமிழ்நாடு தொடக்கப்பள்ளி ஆசிரியர்மன்றத்தின் நாமக்கல் மாவட்டத்தைச் சார்ந்த மாநில,மாவட்ட,
ஒன்றியப்பொறுப்பாளர்கள், ஆசிரியர் மன்ற முன்னோடிகள்,
ஆசிரியர்மன்ற ஆசிரியப்
பெருமக்கள் இன்றைய (24.05.18)பிற்பகல்
05.00 மணிக்கு ஆர்ப்பாட்டத்தில் பெருந்திரளாய்
ஒன்று கூடுமாறு அன்புடன் கேட்டுக்கொள்கிறேன்.
நன்றி.
~முருகசெல்வராசன்.
புதன், 23 மே, 2018
புதிய பாடத்திட்ட நூல்கள்~ இன்று முதல் இணையதளத்தில் பதிவிறக்கம் செய்யலாம்…
புதிய பாடத் திட்டத்தின் கீழ் வடிவமைக்கப்பட்ட 1, 6, 9, 11 ஆம் வகுப்புகளுக்கான பாடநூல்களை புதன்கிழமை முதல் இணையதளத்தில் படிப்படியாகப் பதிவிறக்கம் செய்யலாம் என பள்ளிக் கல்வித் துறை அதிகாரிகள் தெரிவித்துள்ளனர்.
தமிழகத்தில் பள்ளிகளுக்கான மாநிலப் பாடத் திட்டம் 12 ஆண்டுகளுக்குப் பிறகு மாற்றியமைக்கப்பட்டது.
ஆயிரக்கணக்கான ஆசிரியர்கள், நூற்றுக்கணக்கான பேராசிரியர்கள், வல்லுநர்களின் வழிகாட்டுதலில் உருவான புதிய பாடத் திட்ட நூல்களை முதல்வர் எடப்பாடி பழனிசாமி, பள்ளிக்கல்வித் துறை அமைச்சர் கே.ஏ.செங்கோட்டையன் ஆகியோர் கடந்த மே 4-ஆம் தேதி வெளியிட்டனர்.
இதையடுத்து வரும் கல்வியாண்டில் 1, 6, 9, 11 ஆம் வகுப்புகளுக்கு புதிய பாடநூல்களின் அடிப்படையில் கற்றல், கற்பித்தல் பணிகள் நடைபெறவுள்ளன.
இந்த நிலையில் மாணவர்கள், பெற்றோர் நலன் கருதி 1, 6, 9, 11 ஆம் ஆகிய வகுப்புகளுக்கான பாடநூல்கள் மாநில கல்வியியல் ஆராய்ச்சி, பயிற்சி நிறுவன (எஸ்சிஇஆர்டி) வலைதளத்தில் பதிவு செய்யப்பட்டு வருகிறது. இந்த நிலையில், பதிவேற்றம் செய்யப்பட்ட புதிய பாடத்திட்ட நூல்களை www.tnscert.org என்ற இணையதள முகவரியில் புதன்கிழமை முதல் பதிவிறக்கம் செய்யலாம். வழக்கமான புத்தகங்களில் உள்ள தகவல்களைக் காட்டிலும் இதில் கூடுதல் தகவல்கள் இடம்பெறும் என அதிகாரிகள் தெரிவித்தனர்.
செவ்வாய், 22 மே, 2018
இதற்கு குழுசேர்:
இடுகைகள் (Atom)