தமிழ்நாடு தொடக்கப்பள்ளி ஆசிரியர் மன்றம்-நாமக்கல்

வெள்ளி, 29 நவம்பர், 2019

நவம்பர் 29,
வரலாற்றில் இன்று.

தாழ்த்தப்பட்ட மக்களின் மேம்பாட்டுக்காக வாழ்க்கையை அர்ப்பணித்த அம்ரித்லால் விட்டல்தாஸ் தக்கர் பாபா பிறந்த தினம் இன்று.

இவர் 1869ஆம் ஆண்டு நவம்பர் 29ஆம் தேதி குஜராத் மாநிலம் பாவ்நகரில் பிறந்தார்.

இவர் ஷோலாப்பூர், பாவ்நகர், போர்பந்தர் உள்ளிட்ட இடங்களில் ரயில்வே பொறியாளராக 10 ஆண்டுகள் பணியாற்றினார். பின்பு இவர் 3 ஆண்டு ஒப்பந்தத்தில் 1900இல் உகாண்டா நாட்டுக்கு சென்றார்.

பின்பு தாயகம் திரும்பியதும், சாங்லி நகரில் ரயில்வே தலைமைப் பொறியாளர் வேலை கிடைத்தது. அப்போது கோபாலகிருஷ்ண கோகலே மூலம் மகாத்மா காந்தியின் அறிமுகமும் கிடைத்தது

தாழ்த்தப்பட்ட தொழிலாளர்களின் விடிவெள்ளியாக இருந்து, அவர்களது குழந்தைகளுக்காக பள்ளிக்கூடம் தொடங்கினார்.

"தாழ்த்தப்பட்ட, ஆதிவாசி மக்களுக்காக பாபா சேவையாற்றியதுபோல என்னால்கூட தொண்டு செய்ய முடியவில்லை. பாபாவைப் பார்த்தால் பொறாமையாக இருக்கிறது" என்று நெகிழ்ச்சியுடன் கூறினார் காந்திஜி.

தீண்டாமையை ஒழிக்க வாழ்நாள் முழுவதும் அயராது பாடுபட்ட தக்கர் பாபா 82ஆவது வயதில் (1951) மறைந்தார்...

நவம்பர் 29,
வரலாற்றில் இன்று.

நாசாவின் மெர்க்குரி
அட்லஸ் 5 விண்கலத்தில் சிம்பன்சி
ஒன்றை ஏற்றி விண்ணுக்கு அனுப்பிய தினம் இன்று (1961).

இது பூமியை இரு தடவைகள்
சுற்றிவந்து
புவேர்ட்டோ ரிக்கோவில்
இறங்கியது.

நவம்பர் 29, வரலாற்றில் இன்று.

தன் நடிப்பால் சிரிக்கவும் சிந்தக்கவும் வைத்த என்.எஸ்.கிருஷ்ணன் பிறந்த தினம் இன்று(1908).

என்.எஸ். கிருஷ்ணன் தமிழ் சினிமாவின் நாகரிகக் கோமாளி சிரிப்பு மொழியில் சீர்திருத்த விதை தூவியவர். நூற்றாண்டைக் கடந்து வாழும் கலைவாணர்!.

நவம்பர் 29,
வரலாற்றில் இன்று.

கிறிஸ்டியன் டாப்ளர் பிறந்த தினம் இன்று.

இயற்பியலில் டாப்ளர் விளைவைக் கண்டுபிடித்த கிறிஸ்டியன் டாப்ளர், ஆஸ்திரியாவின் செய்ஜ்பர்க்கில் 1803ஆம் ஆண்டு நவம்பர் 29 அன்று பிறந்தார்.

ஒலியை உருவாக்கும் ஒரு பொருள் இயக்கத்தில் உள்ள போது, அது ஏற்படுத்தும் ஒலியின் செறிவு, கேட்பவரிடத்தில் அதன் அதிர்வெண்களில் ஒரு தோற்ற மாற்றத்தை ஏற்படுத்துகிறது.

நீர்மூழ்கிக்கப்பல் மற்றும் விமானங்களின் இயக்கத்தில் பயன்படும் ரேடார்கள். டாப்ளர் விளைவின் அடிப்படையிலேயே செயல்படுகின்றன.