தமிழ்நாட்டு ஆசிரியர்,அரசு ஊழியர் மற்றும்
ஓய்வூதியர்களின் குழுக்காப்பீடுதிட்டக் குறைபாடுகள் களைவதற்கு புதிய தனிப்பிரிவு தொடக்கம்!
தமிழக அரசு ஆணை!
திங்கள், 14 ஜூன், 2021
கோவிட்-19, இது குறித்த பெரும் எச்சரிக்கை உணர்வோடு தமிழகத்தில் கல்விப்பணிகள் தொடங்கட்டும்!கல்விச் சிறந்த தமிழகம் உதிக்கட்டும்!நம்மில் எவர் ஒருவரையும் இழக்காது தமிழகத்தின் பொதுநலன் வளர்ப்போம்!-தமிழ்நாடு தொடக்கப்பள்ளி ஆசிரியர் மன்றம், நாமக்கல் மாவட்டம் (கிளை).
அன்பானவர்களே! வணக்கம்.
🙏.
கோவிட்-19 ,
இந்தப் பெயரே இன்றையக் காலத்தில் உருமாறி, பெயர் மாறி ,
தேச எல்லைகளை எல்லாம் மின்னல் வேகத்தில் தாண்டி , அடுத்தடுத்து சூறாவளியாகத் தாக்குகிறது;
பேரழிவுகளை உருவாக்குகிறது
என்பதை நாம். அனைவரும் நன்கறிவோம்!
இந்நிலையில், எத்தகு மாற்றங்கள் நடந்தேறினாலும்,
நாம் பாடுபட்டு நாம் பெரிதுமே விரும்பிய மாற்றமே நாம் அமைத்தாலும்,
முடிவெடுக்கும் நிவையில் உள்ளோர் அகில உலக, அகில இந்திய முடிவுகளை ஒட்டியே மாநிலத்தில் முடிவெடுக்கும் நிலையில் இருப்பர்.
இவைகளை முழுக் கவனத்தில் கொள்ளல் வேண்டும்.
சரக்குக் கடைகளை,
சாயாக்கடைகளை திறப்பது போன்றவற்றில் பெரும்இலாபம் யாருக்கு வேண்டுமானாலும் செல்லலாம்.
கல்விக்கூடங்களைத் திறக்கச்செல்வதின் மூலமாக , தமிழ்நாட்டு பொதுக்கல்வியை எப்பொழுதும் தன் உயிரினும் மேலானாதாகக் கட்டிக்காத்து வரும் தமிழ்நாட்டு ஆசிரியர் சமுதாயத்தினரில்
இழப்பு என்ற ஆபத்தான நிலை , பேரவலமான நிலை உருவாகாமல்
மிகுந்த கவனத்துடன் பள்ளிக்கல்விப் பணிகளில் செயல்படுங்கள்.
பெருந்தொற்றை குறைத்து மதிப்பிட்டு விட வேண்டாம்.
கொரில்லா தாக்குதல் முறையையும் தூக்கி முழுங்கி ஏப்பம் விட்டு அடுத்தடுத்து ஆள்கள் தேடும் நவீனமானதாகும் இப்பெருந்தொற்று என்பதை முழுக்கவனத்தில்- கணக்கில் கொண்டு செயல்படுங்கள்.
அனைத்து வட்டாரக்கல்வி அலுவலகங்களிலும் கொரோனா பரவல் தடுப்பு விதிகளை முழுமையாக, முறையாக
பின்பற்றச் செய்யுங்கள்!
அலுவலக நிருவாகப் பணிகளை கும்பமேளா கணக்கில் செயல்படுத்தும் அலுவலர்கள் இன்றும் இருக்கத்தான் செய்வார்கள். பாவம்!அவர்கள் என்று விட்டு விடாதீர்கள். தமிழகஅரசின் நோய்த்தடுப்பு விதிகளைப் பாடம் எடுத்துக்காட்டுங்கள்.
தொடக்க/ நடுநிலைப் பள்ளிகளில் முககவசம் இல்லாத எவரையும் அனுமதிக்காதீர்கள.
தனிநபர் இடைவெளி/சமூக இடைவெளி போன்ற இவைகளில் எந்த விதமான சமரசமங்களும் செய்துக்கொள்ளாதீர்கள்.
தொடக்க/நடுநிலைப்பள்ளி ஆசியர்கள் குழந்தைமையை கொண்டாடுங்கள்.
ஆனால்,அதே நேரத்தில்
தங்கள் நலனை, தங்களைச் சார்ந்தோரின் உடல்-மன நலன்களில் பெரிதும் கவனம் கொள்ளுங்கள்.
கோவிட்-19, இது குறித்த பெரும் எச்சரிக்கை உணர்வோடு தமிழகத்தில் கல்விப்பணிகள் தொடங்கட்டும்!
கல்விச் சிறந்த தமிழகம் உதிக்கட்டும்!
நம்மில் எவர் ஒருவரையும் இழக்காது தமிழகத்தின் பொதுநலன் வளர்ப்போம்!.
நன்றி!
இப்படிக்கு,
தமிழ்நாடு தொடக்கப்பள்ளி ஆசிரியர் மன்றம், நாமக்கல் மாவட்டம் (கிளை).
ஞாயிறு, 6 ஜூன், 2021
சனி, 5 ஜூன், 2021
புதன், 2 ஜூன், 2021
திங்கள், 31 மே, 2021
தேசிய நல்லாசிரியர் விருது ஜூன் 1 முதல் ஆன்லைனில் விண்ணப்பிக்கலாம் _ மத்திய அரசு அறிவிப்பு
தேசிய நல்லாசிரியர் விருது:
நாளை (01/06/2021) முதல் ஆன்லைனில் விண்ணப்பிக்கலாம்
மத்திய அரசு வழங்கும் தேசிய நல்லாசிரியர் விருதுக்கு நாளை முதல் ஆன்லைனில் விண்ணப்பிக்கலாம் என்று அறிவிக்கப்பட்டுள்ளது.
ஆசிரியராக இருந்து நாட்டின் குடியரசுத் தலைவராக உயர்ந்த சர்வபள்ளி ராதாகிருஷ்ணனைப் போற்றும் வகையில் அவரது பிறந்த நாளான செப்டம்பர் 5-ம் தேதி ஆசிரியர் தினமாகக் கொண்டாடப்படுகிறது. நாட்டில் ஆசிரியர் பணியில் சிறந்து விளங்கும் ஆசிரியர்களுக்கு இந்நாளில் மத்திய அரசு சார்பில் தேசிய நல்லாசிரியர் விருது வழங்கப்படுகிறது.
இந்த விருதுக்குத் தேர்ந்தெடுக்கப்படும் ஆசிரியர்கள் அனைவருக்கும் டெல்லி, விக்யான் பவனில் ஒவ்வோர் ஆண்டும் செப்டம்பர் 5-ம் தேதி, குடியரசுத் தலைவர் கையால் விருது வழங்கப்படும். அந்த வகையில் இந்த ஆண்டுக்கான விருதுக்கு விண்ணப்பிக்க மத்தியக் கல்வி அமைச்சகம் அழைப்பு விடுத்துள்ளது.
இதுகுறித்து மத்தியக் கல்வி அமைச்சகத்தின் இணைச் செயலாளர் ஆர்.சி.மீனா இன்று அனைத்து மாநிலங்களின் முதன்மைச் செயலாளர்களுக்கும்/ செயலாளர்களுக்கும் சுற்றறிக்கையை அனுப்பியுள்ளார். அந்த அறிக்கையில், ''ஆசிரியர்கள் தேசிய நல்லாசிரியர் விருது பெற நாளை (ஜூன் 1) முதல் ஆன்லைனில் விண்ணப்பிக்கலாம். விண்ணப்பிக்கக் கடைசித் தேதி ஜூன் 20 ஆகும்.
ஆசிரியர்கள் கூடுதலாகப் பங்கேற்கும் வகையில் மாநிலங்கள் விருது குறித்த அறிவிப்பைப் பரவலாக்க வேண்டும். கூடுதல் தகவல்களுக்கு https://nationalawardstoteachers.education.gov.in/ என்ற இணையதள முகவரியைக் காணலாம்'' என்று தெரிவித்துள்ளார்.
கடந்த ஆண்டு நாடு முழுவதிலும் இருந்து 45 ஆசிரியர்களுக்கும் சிறப்புப் பிரிவில் மாற்றுத்திறனாளி ஆசிரியர்கள் 2 பேருக்கும் தேசிய நல்லாசிரியர் விருதை மத்தியக் கல்வி அமைச்சகம் வழங்கியது. கரோனா காரணமாக அந்தந்த மாவட்ட ஆட்சியர் அலுவலகத்தில் காணொலி முறையில் விருது வழங்கப்பட்டது குறிப்பிடத்தக்கது.
நன்றி : இந்து தமிழ்
வெள்ளி, 28 மே, 2021
மருத்துவர்கள் மற்றும் நோய்த்தடுப்பு பணியாளர்களுக்கு ஊக்கத்தொகை- தமிழ்நாடு அரசு ஆணை!
ஏப்ரல், மே, ஜூன் மாதங்களில் பணியாற்றி வரும் மருத்துவர்கள் மற்றும் பணியாளர்களுக்கு ஊக்கத்தொகை - தமிழக அரசு அரசாணை வெளியீடு
ஆங்கில முறை மருத்துவர்களுக்கு ரூ.30,000, முதுநிலை மருத்துவ மாணவர்களுக்கு ரூ.20,000 ஊக்கத்தொகை
பயிற்சி மருத்துவர்களுக்கு ரூ.15,000, செவிலியர்களுக்கு ரூ.20,000 ஊக்கத்தொகை
 |
தமிழகத்தில் தளர்வுகளற்ற ஊரடங்கு ஜூன் 7ம் தேதி வரை நீட்டிப்பு: தமிழக அரசு அறிவிப்பு
தமிழகத்தில் பொது முடக்கம்!
31.05.21 முதல் 07.06.21
வரை தளர்வுகளற்ற ஊரடங்கு!
தமிழ்நாடு அரசு அறிவிப்பு!
தியாகச் செம்மல் பெரியவர் அய்யா டி.எம்.காளியண்ணன் அவர்களுக்கு புகழ் வணக்கம்.
தியாகச் செம்மல் பெரியவர் அய்யா டி.எம்.காளியண்ணன் அவர்களுக்கு புகழ் வணக்கம்.
*********************************
பாபு ராஜேந்திரபிரசாத் தலைமையில் அமைக்கப்பட்ட அரசியல் சாசனசபையில் பல்வேறு மாகாணங்களைச் சேர்ந்த மக்கள் பிரதிநிதிகள் அங்கம் வகித்தார்கள். சட்டவிதிகளை, டாக்டர் அம்பேத்கர் தலைமையிலான வல்லுநர்கள் குழு வரையறை செய்தது. அரசியல் சாசனம் 1949-ம் ஆண்டு நவம்பர் 26ம் தேதியன்று ஏற்கப்பட்டது.
இது 1950ம் ஆண்டு ஜனவரி 26ம் தேதியன்று அமலுக்கு வந்தது.
1950ம் ஆண்டுமுதல் 1962ம் வருடம்வரை 12 ஆண்டுகள் குடியரசுத் தலைவராக இருந்த பெருமை பாபு ராஜேந்திர பிரசாத்துக்கே உரியது. வேறு எந்த குடியரசுத் தலைவரும் 5 ஆண்டுகளுக்குமேல் இப்பதவியை வகித்ததில்லை என்பது குறிப்பிடத்தக்கது.
தேச விடுதலைக்காக, மகாத்மா காந்தி ராஜாஜி, சத்தியமூர்த்தி, காமராஜர் போன்ற மகத்தான தலைவர்களின் அடிச்சுவட்டில் பயணித்த எண்ணற்ற தொண்டர்களில் ‘டி.எம்.கே.’ என்று அன்புடன் அழைக்கப்படும் டி.எம்.காளியண்ணன் கவுண்டரும் ஒருவர் ஆவார்.
சென்னை ராஜதானி சார்பில் அரசியல் சாசன சபையில் அங்கம் வகித்தவர்களில், சேலம் குமாரமங்கலம் ஜமீன்தார் குடும்பத்தைச் சேர்ந்த டி.எம்.காளியண்ண கவுண்டர் மட்டுமே, 99 வயதான நிலையிலும், உடல் தளர்ந்தாலும் மனம் தளராமல் இப்போது இயங்கி வருகிறார் என்பது சிலாகிக்கத்தக்க சிறப்பம்சமாகும்.
சுதந்திரப் போராட்ட வீரரான அவர் தமிழ்நாடு காங்கிரஸ் துணைத் தலைவராகப் பணியாற்றியுள்ளார். 1952ல் ராசிபுரம் தொகுதியிலிருந்தும் 1957 மற்றும் 1962ல் திருச்செங்கோடு தொகுதியிலிருந்தும் அவர் சென்னை மாகாண சட்டப் பேரவைக்கு தேர்ந்தெடுக்கப்பட்டார். அவர் சட்டமேலவை உறுப்பினராகவும் செயல்பட்டுள்ளார்.
காளியண்ண கவுண்டர் – பார்வதி அம்மாள் தம்பதியருக்கு ஐந்து குழந்தைகள். வாரிசுகள் அனைவரும் உயர்ந்தோங்கியுள்ளனர்.
‘இந்தியன் வங்கி’ இயக்குநராகவும் திருச்சி ‘பெல்’ இயக்குநராகவும் காளியண்ண கவுண்டர் சிறப்பாகப் பணியாற்றியுள்ளார்.
சென்னை பச்சையப்பன் கல்லூரியில் பி.காம் பட்டப்படிப்பும் லயோலா கல்லூரியில் எம்.ஏ. (ஆங்கில இலக்கியம்) பட்டமேற்படிப்பும் படித்த காளியண்ண கவுண்டர் கல்வித் துறையில் மிகுந்த நாட்டம் கொண்டவர். ஆயிரத்துக்கும் மேற்பட்ட பள்ளிக்கூடங்கள் திறக்கப்பட அவர் உறுதுணையாகச் செயல்பட்டார்.
தேசியத்தையும் தெய்வீகத்தையும் இரண்டு விழிகளாகக் கருதிய காளியண்ண கவுண்டர் அறச் சிந்தனை கொண்டவர். எண்ணற்ற கோவில்கள் கட்டவும் திருவிழாக்கள் நடத்தவும் அவர் நிதியை வாரி வழங்கியுள்ளார். இதனால், கொங்குவேள் என்ற கௌரவப் பட்டமும் அவருக்கு அளிக்கப்பட்டுள்ளது.
சேலம் ஜில்லா போர்டு தலைவராகவும் அவர் பணியாற்றியுள்ளார். பாலங்கள் கட்டவும் சாலைகள் அமைக்கவும், அவர் முனைப்பு காட்டினார். ஈரோடு அருகேயுள்ள பள்ளிப்பாளையம் பாலம் அவரது பெருமையை இப்போதும் பறைசாற்றுகிறது. இதைப்போல கொல்லிமலைச் சாலையும் அவரது கீர்த்தியை எடுத்தியம்பிக் கொண்டிருக்கிறது.
(நன்றி:ஒரே நாடு இதழ்)
தியாகச் செம்மல் பெரியவர் அய்யா அவர்களின் மறைவு
ஈடு செய்ய முடியாத பேரிழப்பாகும்.
தமிழ்நாடு தொடக்கப்பள்ளி ஆசிரியர் மன்றத்தின் நாமக்கல் மாவட்ட அமைப்பு மறைந்த பெரியவர் அய்யா டி.எம்.கே.,அவர்களுக்கு புகழ்வணக்கம் செலுத்துகிறது.
இதற்கு குழுசேர்:
இடுகைகள் (Atom)