அம்மா ஸ்கூட்டர்: மாற்றுத்திறன் மகளிருக்கு மானியத்தை உயர்த்தி புதிய அரசாணை!
மாற்றுத்திறனாளிகள் சங்கம் தொடுத்த வழக்கு வெற்றி!!
New GO allows 25% more subsidy for disabled in Amma Scooter! Gist under tamil version..
தமிழக அரசு கடந்த பிப்ரவரி மாதம் மகளிருக்கான மானிய விலை ஸ்கூட்டர் திட்டத்தை துவக்கியது. இத்திட்டத்தின்படி ஸ்கூட்டர் ஒன்றுக்கு அதிகபட்சமாக 50% மானியம் அல்லது ரூ.25,000/- வழங்குவதாக அறிவித்து பொதுவாக அரசாணை வெளியிட்டது.
மாற்றுத்திறனாளிகள் உரிமைகள் சட்டம் 2016-ன்படி மத்திய, மாநில அரசுகள் எந்த ஒரு சமூகப் பாதுகாப்புத் திட்டம் தீட்டினாலும், மாற்றுத்திறனாளிகளுக்கென தனியாக கூடுதலாக 25% ஒதுக்கீடுகளை செய்ய வேண்டும். ஆனால், மானிய விலை ஸ்கூட்டர் திட்டத்தில் மாற்றுத்திறனாளிகளுக்கு கூடுதல் மானியம் உயர்த்தி வழங்க தமிழக அரசு முன்வரவில்லை.
இது குறித்து தமிழக முதலமைச்சர் மற்றும் ஊரக வளர்ச்சித்துறை உயர் அதிகாரிகளுக்கு தமிழ்நாடு அனைத்து வகை மாற்றுத்திறனாளிகள் மற்றும் பாதுகாப்போர் உரிமைகளுக்கான சங்கத்தின் சார்பில் மனுக்கள் அனுப்பி முறையீடு செய்தும் பயன் இல்லாததால் சென்னை உயர்நீதிமன்றத்தில் வழக்கு தொடரப்பட்டது. பிப்-21 அன்று விசாரணைக்கு வந்த இவ்வழக்கை விசாரித்த நீதிபதி K.ரவிச்சந்திரபாபு, மானிய விலை ஸ்கூட்டர் திட்டத்தில் மாற்றுத்திறன் மகளிருக்கு 25% மானியம் உயர்த்தி வழங்குவது குறித்து அனைத்து வகை மாற்றுத்திறனாளிகள் சங்கம் அளித்துள்ள மனுக்கள் மீது 6 வார காலத்திற்குள் உரிய முடிவுகளை எடுக்க தமிழக அரசின் ஊரகவளர்ச்சித்துறை செயலளருக்கு உத்தரவிட்டு வழக்கை முடித்து வைத்தார்.
உயர்நீதிமன்ற உத்தரவுக்குப் பிறகு 6 மாத காலமாகியும் ஊரகவளர்ச்சித்துறை எவ்வித நடவடிக்கையும் எடுக்காததால், நீதிமன்ற அவமதிப்பு வழக்கு தொடரப்பட்டது. இந்நிலையில் செப்-27 தேதியிட்ட ஊரகவளர்ச்சித்துறை அரசாணை எண்.143 வெளியிடப்பட்டுள்ளது. இந்த அரசாணையில், இணைப்பு சக்கரம் பொருத்தப்பட்ட மூன்று சக்கர வாகனம் வாங்க விரும்பும் தகுதியுள்ள மாற்றுத்திறன் மகளிருக்கு மற்றவர்களுக்கு வழங்கப்படும் மானியத்தைவிட கூடுதலாக 25% உயர்த்தி அதாவது ரூ.31,250 வரை மானியம் வழங்குவதாக உத்தரவிடப்பட்டுள்ளது. தமிழக அரசின் கூடுதல் தலைமை செயலாளர் மற்றும் ஊரக வளர்ச்சித்துறை செயலாளரான ஹன்ஸ்ராஜ் வர்மா இந்த அரசாணையை வெளியிட்டுள்ளார்.
மாற்றுத்திறனாளிகள் சங்கம் தொடுத்த வழக்கு வெற்றி!!
New GO allows 25% more subsidy for disabled in Amma Scooter! Gist under tamil version..
தமிழக அரசு கடந்த பிப்ரவரி மாதம் மகளிருக்கான மானிய விலை ஸ்கூட்டர் திட்டத்தை துவக்கியது. இத்திட்டத்தின்படி ஸ்கூட்டர் ஒன்றுக்கு அதிகபட்சமாக 50% மானியம் அல்லது ரூ.25,000/- வழங்குவதாக அறிவித்து பொதுவாக அரசாணை வெளியிட்டது.
மாற்றுத்திறனாளிகள் உரிமைகள் சட்டம் 2016-ன்படி மத்திய, மாநில அரசுகள் எந்த ஒரு சமூகப் பாதுகாப்புத் திட்டம் தீட்டினாலும், மாற்றுத்திறனாளிகளுக்கென தனியாக கூடுதலாக 25% ஒதுக்கீடுகளை செய்ய வேண்டும். ஆனால், மானிய விலை ஸ்கூட்டர் திட்டத்தில் மாற்றுத்திறனாளிகளுக்கு கூடுதல் மானியம் உயர்த்தி வழங்க தமிழக அரசு முன்வரவில்லை.
இது குறித்து தமிழக முதலமைச்சர் மற்றும் ஊரக வளர்ச்சித்துறை உயர் அதிகாரிகளுக்கு தமிழ்நாடு அனைத்து வகை மாற்றுத்திறனாளிகள் மற்றும் பாதுகாப்போர் உரிமைகளுக்கான சங்கத்தின் சார்பில் மனுக்கள் அனுப்பி முறையீடு செய்தும் பயன் இல்லாததால் சென்னை உயர்நீதிமன்றத்தில் வழக்கு தொடரப்பட்டது. பிப்-21 அன்று விசாரணைக்கு வந்த இவ்வழக்கை விசாரித்த நீதிபதி K.ரவிச்சந்திரபாபு, மானிய விலை ஸ்கூட்டர் திட்டத்தில் மாற்றுத்திறன் மகளிருக்கு 25% மானியம் உயர்த்தி வழங்குவது குறித்து அனைத்து வகை மாற்றுத்திறனாளிகள் சங்கம் அளித்துள்ள மனுக்கள் மீது 6 வார காலத்திற்குள் உரிய முடிவுகளை எடுக்க தமிழக அரசின் ஊரகவளர்ச்சித்துறை செயலளருக்கு உத்தரவிட்டு வழக்கை முடித்து வைத்தார்.
உயர்நீதிமன்ற உத்தரவுக்குப் பிறகு 6 மாத காலமாகியும் ஊரகவளர்ச்சித்துறை எவ்வித நடவடிக்கையும் எடுக்காததால், நீதிமன்ற அவமதிப்பு வழக்கு தொடரப்பட்டது. இந்நிலையில் செப்-27 தேதியிட்ட ஊரகவளர்ச்சித்துறை அரசாணை எண்.143 வெளியிடப்பட்டுள்ளது. இந்த அரசாணையில், இணைப்பு சக்கரம் பொருத்தப்பட்ட மூன்று சக்கர வாகனம் வாங்க விரும்பும் தகுதியுள்ள மாற்றுத்திறன் மகளிருக்கு மற்றவர்களுக்கு வழங்கப்படும் மானியத்தைவிட கூடுதலாக 25% உயர்த்தி அதாவது ரூ.31,250 வரை மானியம் வழங்குவதாக உத்தரவிடப்பட்டுள்ளது. தமிழக அரசின் கூடுதல் தலைமை செயலாளர் மற்றும் ஊரக வளர்ச்சித்துறை செயலாளரான ஹன்ஸ்ராஜ் வர்மா இந்த அரசாணையை வெளியிட்டுள்ளார்.
