நவம்பர் 28,
வரலாற்றில் இன்று.


 கவிஞர் வில்லியம் பிளேக் பிறந்த தினம் இன்று.

இவர் 1757ஆம் ஆண்டு நவம்பர் 28ஆம் தேதி இலண்டனில் பிறந்தார். இவர் ஒரு மிகச் சிறந்த ஓவியர்.

இவருடைய தீர்க்கதரிசன கவிதைகளில், "ஆங்கில மொழியில் மிகக் குறைவாகப் படிக்கப்படும் கவிதைக் கட்டமைப்பு, அதன் சிறப்புத்தன்மையின் விகிதத்துடன் தொடர;பு கொண்டிருப்பது எது" என்பதை உருவாக்குவதாக சொல்லப்பட்டிருக்கிறது.

அவருடைய தனி மனப்போக்குள்ள நோக்கங்களுக்காக அவருடைய சமகாலத்து அறிஞர்களால் பைத்தியம் என கருதப்பட்ட பிளேக், அவருடைய வெளிப்பாட்டுத்தன்மை மற்றும் படைப்புத்திறன் காரணமாகவும் அவருடைய வேலைப்பாடுகளில் இருந்த மெய்யறிவாற்றல் மற்றும் மறைபொருள் உணர்ச்சி வடிவங்களுக்காகவும், பிற்காலத்து விமர்சகர்களால் உயர்வாகக் கருதப்படுகிறார்.

வில்லியம் பிளேக் 1827ஆம் ஆண்டு ஆகஸ்ட் 12ஆம் தேதி தன்னுடைய 69ஆவது வயதில் மறைந்தார். இவர் இறந்த நாளன்று தன்னுடைய மனைவியின் உருவப் படத்தை வரைந்து முடித்து விட்டு, தன்னுடைய கருவிகளை கீழே வைத்து விட்டு பாடல்களை பாடிக் கொண்டே இறந்து விட்டார்.

நவம்பர் 28,
வரலாற்றில் இன்று.

 ஜெர்மனியைச் சேர்ந்த தத்துவவியலாளர் பிரெட்ரிக் ஏங்கல்ஸ் பிறந்த தினம் இன்று.


இவர் கார்ல் மார்க்ஸ் உடன் இணைந்து கம்யூனிச சித்தாந்தத்தை உருவாக்கியதுடன், கம்யூனிஸ்ட் கட்சி அறிக்கையை மார்க்ஸுடன் சேர்ந்து எழுதினார்.

நவம்பர் 28,
வரலாற்றில் இன்று.


நோபல் பரிசு பெற்ற அணுசக்தி அறிஞர் என்ரிகோ ஃபெர்மி நினைவு தினம் இன்று.

இத்தாலியில் வளம் மிகுந்த குடும்பத்தில் பிறந்தார். அண்ணன் மறைந்த சோகத்தில் இருந்து மீள, பெற்றோர் வாங்கித் தந்த இயற்பியல் புத்தகங்களைப் படித்தவர் அதன் மீது ஆர்வமானார். அப்போது அவருக்கு வயது 14.

இளம் வயதிலேயே நண் பர்களோடு இணைந்து பல்வேறு சுவாரசியமான ஆராய்ச்சிகளைச் செய்தார். ரோமில் தண்ணீர் அடர்த்தி பற்றிக்கூட ஆய்வு செய்தார்.

இயற்பியலில் சிறந்த அறிஞராக விளங்கிய ஃபெர்மி 26 வயதில் ரோம் பல்கலை.யின் பேராசிரியராக உயர்ந்தார்.

பீட்டா சிதைவை ஃபெர்மி கண்டுபிடித்ததன் மூலம் அடிப்படை விசைகளில் 4ஆவது விசையான அணுக்கரு விசை உலகுக்கு தெரியவந்தது.

புள்ளியியல் விதிகளை வகுத்தார். அதற்கேற்ப இயங்கும் மூலத்துகள்கள் ‘ஃபெர்மியான்’ என்று அழைக்கப்படுகின்றன.

ஆரம்பத்தில் மின்இயங்கியல் துறையில் ஆய்வு செய்தவர், செயற்கை கதிரியக்கத்தை க்யூரி தம்பதி கண்டறிந்த பின்னர் அந்த பக்கம் கவனத்தைத் திருப்பினார். நியூட்ரான்களால் தனிமத்தை மோதச்செய்து, புதிய தனிமங்களை உருவாக்கினார். அவை கதிரியக்கத் தன்மை கொண்டவையாக இருந்தன. இந்த ஆராய்ச்சிக்காக அவருக்கு நோபல் பரிசு வழங்கப்பட்டது. அப்போது அவருக்கு வயது 37.

இத்தாலியில் முசோலினி ஆட்சியில் யூதர்களுக்கு எதிராக சட்டங்கள் போடப்பட்டன. யூதப் பெண்ணை மணந்திருந்த ஃபெர்மி எப்படி தப்பிப்பது என்று யோசித்தார். ஸ்வீடனில் நோபல் பரிசு வழங்கும் நிகழ்ச்சிக்கு குடும்பத்தோடு சென்றவர் அப்படியே அமெரிக்காவுக்கு பறந்துவிட்டார்.

அணுப் பிளவு சாத்தியம் இல்லை என்று கூறப்பட்ட சூழலில் ஆட்டோஹான், ஸ்ட்ராஸ்மென் இருவரும் அதை சாதித்தனர். அதை நியூட்ரான்களைக் கொண்டு கட்டுப்படுத்த முடியும் என்று கூறிய ஃபெர்மி, அதுசார்ந்த ஆய்வுகளில் ஈடுபட்டார். ஒரு மைதானத்துக்குப் பின்புறம் இருந்த ஆய்வகத்தில் உலகின் முதல் கட்டுப்படுத்தப்பட்ட அணு வினையை சாதித்தார்.

அணுஉலை, அணுகுண்டு இரண்டும் உருவாவதற்கான அச்சுப்புள்ளி இவரால் போடப்பட்டது. மன்ஹாட்டன் திட்டத்தில் இணைந்து அணுகுண்டு உருவாக்கத்தில் பங்காற்றினார். ‘சிகாகோ பைல்’ எனப்படும் உலகின் முதல் அணு உலை, இவரது வழிகாட்டுதல் மற்றும் ஆய்வில் எழுந்தது. இதன் காரணமாக, ‘அணுகுண்டின் தந்தை’ என அழைக்கப்படுகிறார்.

ஹைட்ரஜன் குண்டு தயாரிக்க குழு அமைக்கப்பட்டபோது அதை கடுமையாக விமர்சித்தார். பின்னர் அக்குழுவில் உறுப்பினராகி அது சாத்தியமில்லை என்று நிரூபிக்க முயன்றார். Synchrocyclotron-ஐ உருவாக்கி அதன்மூலம் அணுப்பிளவு மற்றும் அணு ஆய்வுக்கான புதுக் கதவுகளை திறந்துவிட்டார். குடல் புற்றுநோய் ஏற்பட்டு சிகாகோ இல்லத்தில் தூக்கத்திலேயே காலமானார்.

Enrico Fermi (29 September 1901 – 28 November 1954) was an Italian-American physicist and the creator of the world's first nuclear reactor, the Chicago Pile-1. He has been called the "architect of the nuclear age" and the "architect of the atomic bomb". He was one of the very few physicists in history to excel both theoretically and experimentally. Fermi held several patents related to the use of nuclear power, and was awarded the 1938 Nobel Prize in Physics for his work on induced radioactivity by neutron bombardment and the discovery of transuranic elements. He made significant contributions to the development of quantum theory, nuclear and particle physics, and statistical mechanics.

தமிழ்நாடு தொடக்கப்பள்ளி ஆசிரியர் மன்றம்,நாமக்கல்
மாவட்டக்கிளை அதிவிரைவு மாவட்ட செயற்குழுக் கூட்ட அழைப்பிதழ்.

அன்பானவர்களே!வணக்கம்.
தமிழ்நாடு தொடக்கப்பள்ளி  ஆசிரியர் மன்றத்தின் நாமக்கல் மாவட்ட அமைப்பின் சார்பில் பரமத்தி மற்றும் கபிலர்மலை ஒன்றியங்களின் பள்ளித் தூய்மைப்பணியாளர்களுக்கான ஊதியம் மற்றும் பராமரிப்புத் தொகையினை வலியுறுத்தி  நாமக்கல் மாவட்ட ஊரகவளர்ச்சித் துறை உதவி இயக்குநர் அலுவலகத்தில் இன்று(27.11.19-புதன்)பிற்பகல் 05.30மணியளவில் கோரிக்கை விண்ணப்பம் படைக்கப்பட்டுள்ளது.
இச்சந்திப்பில் மாவட்டச்செயலாளர் முருகசெல்வராசன்,மாவட்டத் துணைச்செயலாளர் மெ.சங்கர்,மாவட்ட இளைஞரணி அமைப்பாளர் பெ.சதீசு,மாவட்ட தணிக்கைக்குழு உறுப்பினர் த.தண்டபானி, பரமத்தி ஒன்றியத் தலைவர்.நா.ரங்கசாமி,ஒன்றியச் செயலாளர் க.சேகர்,ஒன்றியப்பொருளாளர் கு.பத்மாவதி, நாமக்கல் ஒன்றியச்செயலாளர் அ.செயக்குமார் ஆகியோர் பங்கேற்றனர். இச்சந்திப்பு மேற்கண்ட பரமத்தி மற்றும் கபிலர்மலை ஒன்றியப்
பள்ளிகளின் தூய்மையை,
சுகாதாரத்தை பேணிப் பாதுகாத்து  பராமரித்திடுவதற்கு பேருதவியாக அமைந்திடும் என்று தமிழ்நாடு தொடக்கப்பள்ளி ஆசிரியர் மன்றம் நம்பிக்கைக் கொள்கிறது.
-முருகசெல்வராசன்.

கட்டாயம் வாக்களிக்க வேண்டும் என்பதை புரிந்துகொள்ள அரசு பள்ளிகளில் ‘தேர்தல் விழிப்புணர்வு மன்றம்' தொடக்கம் ~ தலைமை தேர்தல் அதிகாரி தகவல்…

உடல் ஆரோக்கியம், புத்துணர்ச்சியுடன் இருக்க பள்ளிகளில் மாணவர்களுக்கு தண்ணீர் குடிக்க நினைவூட்டல்...

நவம்பர் 27,
வரலாற்றில் இன்று.

 கின்னஸ் புத்தகத்தை பதிப்பித்தவர்களுள் ஒருவரான  மெக்விர்ட்டர்,  ஐரிஷ் குடியரசு ராணுவத்தால் சுட்டுக்கொல்லப்பட்ட தினம் இன்று (1975).

 கின்னஸ் புத்தகத்தைப் போலவே அது தோன்றிய வரலாறும் மிகவும் சுவாரசியமானது.

1951ஆம் ஆண்டு "கின்னஸ் பிரீவரீஸ்' என்ற நிறுவனத்தின் பொது மேலாளராகிய "சர்.ஹக் பீவர்' (Sir.Hugh Beaver) அயர்லாந்தில் உள்ள "ஸ்லானி' (River Slaney) என்ற ஆற்றுக்குப் பறவைகளை வேட்டையாடச் சென்றார். அவர் "கோல்டன் ப்ளோவர்' (golden plover) என்ற பறவையை வேட்டையாட விரும்பினார். ஆனால் எத்தனை முறை துப்பாக்கியால் சுட்டும் அவரால் ஒரு ப்ளோவர் பறவையைக்கூட வீழ்த்த முடியவில்லை.

உடனே அவர் மனதில் ஒரு சந்தேகம் எழுந்தது. தாம் சுட விரும்பும் பறவைதான் உலகிலேயே வேகமாகப் பறக்கும் பறவையா? அல்லது வேறு ஏதாவது மிக வேகமாகப் பறக்கும் பறவைகள் உள்ளனவா? அப்படி இருப்பின் அவற்றின் பெயர் என்ன? இத்தகைய கேள்விகளுக்குப் பதில் அளிக்கத்தக்க வகையில் எந்தப் புத்தகமும் அன்று இல்லை. மேலும் தகவல் வலையம் போன்று வேறெந்த ஊடகங்களும் இல்லாத சமயம் அது. ஆகவே இப்படிப்பட்ட விஷயங்களைத் தொகுத்து ஒரு புத்தகமாக வெளியிடலாம் என எண்ணினார். இதற்கான முயற்சியைத் தாமே மேற்கொண்டார்.

அவரது நிறுவனத்தில் பணிபுரிந்த "கிறிஸ்டோபர் சாட்டாவே' (Christopher chataway) என்ற ஊழியர் இலண்டனில் "நோரிஸ்' (Norris) மற்றும் "ராஸ் மெக் விர்ட்டர்' என்ற இரு பல்கலைக்
கழக மாணவர்கள் இப்படிப்பட்ட அரிய சாதனை மற்றும் அதிசயத் தகவல்களை ஆதாரங்களுடன் திரட்டி வருவதாகக் கூறினார்.

அவர்கள் இருவரும் தொகுத்து வைத்திருந்த தகவல்களை ஹக் பீவர் "கின்னஸ் உலக சாதனைப் புத்தகம்' (GUINNESS BOOK OF WORLD RECORDS) என்ற பெயரில் 1954-ஆம் ஆண்டு ஆகஸ்ட் மாதம் வெளியிட்டார். முதலில் 1000 பிரதிகள் மட்டுமே அச்சடிக்கப்பட்டன. அவை உடனே விற்றுத் தீர்ந்தன.

1955ஆம் ஆண்டு ஆகஸ்ட் 27ஆம் தேதி வெளியான புத்தகம் 198 பக்கங்களுடன், அரிய புகைப்படங்களுடன் வெளியானது. இங்கிலாந்தில் அந்த ஆண்டு அதிகம் விற்பனையான புத்தகம் அதுவே ஆகும். "அரிய தகவல்களை மக்களுக்குத் தர வேண்டும் என்ற நோக்கத்திற்கு மட்டுமே அன்றி பணம் சம்பாதிப்பதற்கு அல்ல!' என்றார் ஹக் பீவர். உலகிலேயே காப்புரிமை (Copy right) பெற்ற புத்தகங்களிலேயே அதிகம் விற்பனையாவது இது மட்டுமே!

ஒவ்வோர் ஆண்டும் செப்டம்பர் அல்லது அக்டோபர் மாதங்களில் இப்புத்தகம் வெளியாகிறது. ஆண்டுதோறும் இந்தப் புத்தகத்தைத் தொகுத்து அளித்த காரணத்தினால் நோரிஸ் மற்றும் மெக்விர்ட்டர் ஆகிய இருவரும் அதிக தகவல்களை அறிந்து வைத்திருந்தனர். எனவே சிறுவர்களின் கேள்விகளுக்கு இவர்கள் பதில் அளிக்கும் தொலைக்காட்சி நிகழ்ச்சி ஒன்று அந்நாளில் மிகப் பிரபலம் அடைந்தது.

முதன்முதலில் ஆங்கிலத்தில் மட்டுமே வெளிவந்த இப்புத்தகம் தகவல்களின் அவசியம் கருதி 37 உலக மொழிகளில் அச்சடிக்கப்படுகிறது. தனிமனித சாதனைகள், அதிசய விலங்குகள், அதிசயப் பறவைகள், அதிசய இடங்கள், ஆபத்து நிறைந்த இடங்கள் போன்ற அரிய தகவல்களின் களஞ்சியமாக இந்நூல் விளங்குகிறது.

கின்னஸ் நிறுவனம் நவம்பர் மாதம் 9ஆம் நாளை "சர்வதேச கின்னஸ் சாதனை தினம்' ஆக அறிவித்துள்ளது. இதற்கு முன் ஒருவர் செய்த சாதனையை மற்றொருவர் முறியடித்தால் அது இந்த நாளில் ஏற்றுக்கொள்ளப்படும். இதற்கான விண்ணப்பங்கள் ஜூன் மாதம் முதல் பொது மக்களிடமிருந்து ஏற்றுக் கொள்ளப்படுகின்றன.

இதிலும் ஒரு சாதனையாக 2006ஆம் ஆண்டு ஏறக்குறைய பத்து நாடுகளைச் சேர்ந்த ஒரு லட்சம் பேர் இதற்கு விண்ணப்பித்தனர். இதன் காரணமாக 2244 புதிய சாதனைகள் உலகுக்குக் கிடைத்தன.

மிருகங்கள் மற்றும் பறவைகளை வேட்டையாடுதல் போன்ற தகவல்களை இந்நிறுவனம் வெளியிடுவதில்லை. 1976ஆம் ஆண்டு "கின்னஸ் சாதனைப் புத்தக அருங்காட்சியகம்' "எம்பயர் ஸ்டேட்' கட்டடத்தில் திறந்து வைக்கப்பட்டது. ஆனால் அது பல காரணங்களால் 1995ஆம் ஆண்டு மூடப்பட்டது. 2010ஆம் ஆண்டு முதல் டோக்கியோ, கோபன்ஹேகன், சான் அன்டோனியோ போன்ற நகரங்களில் சிறிய அருங்காட்சியகங்கள் செயல்பட்டு வருகின்றன. கின்னஸ் சாதனைகள் தொலைக்காட்சித் தொடர்களாக இங்கிலாந்தில் ஒளிபரப்பப்பட்டன. இதிலும் சாதனை நிகழ்ந்தது. ஏறத்தாழ 10 லட்சம் பேர் இந்நிகழ்ச்சியை விரும்பிப் பார்த்தனர்.

Alan Ross McWhirter (12 August 1925 – 27 November 1975) was, with his twin brother, Norris, the co-founder in 1955 of Guinness Book of Records (known since 2000 as Guinness World Records) and a contributor to the television programme Record Breakers. He was assassinated by the Provisional Irish Republican Army (IRA) in 1975.

நவம்பர் 27,
வரலாற்றில் இன்று.

 ஆன்டர்ஸ் செல்சியஸ் அவர்களின் பிறந்த தினம் இன்று


 செல்சியஸ்
 சுவீடிய வானியலாளர், இயற்பியலாளர் மற்றும் கணிதவியலாளர் ஆவார்.

 1730 முதல் 1744 வரை உப்சாலா பல்கலைக்கழகத்தில் வானியல் பேராசிரியராகப் பணியாற்றினார்.

இதே காலத்தில் 1732 முதல் 1735 வரை ஜெர்மனி, இத்தாலி, பிரான்சு நாடுகளிலிருந்த குறிக்கத்தக்க வான் ஆய்வகங்களுக்குச் சென்று வந்தார்.

1741இல் உப்சாலா வானியல் ஆய்வகத்தை நிறுவினார்.

1742இல் வெப்பநிலையை அளக்க செல்சியஸ் அளவுகோலை நிறுவினார்;

 இதனையொட்டியே இந்த அனைத்துலக அலகுக்கு இவரது பெயர் சூட்டப்பட்டது.

நவம்பர் 27,
வரலாற்றில் இன்று.

 பாரிஸ் நகரில், ஆல்பிரட் நோபல், நோபல் பரிசுக்கான திட்டத்தை தெரிவித்து, தனது சொத்துக்களை அப்பரிசுக்கான மூலதனமாக அறிவித்த தினம் இன்று(1895).