*🌐ஜூலை 10, வரலாற்றில் இன்று:வேலூர் சிப்பாய் புரட்சி நிகழ்ந்த தினம் இன்று.*

ஜூலை 10, வரலாற்றில் இன்று.

வேலூர் சிப்பாய் புரட்சி நிகழ்ந்த தினம் இன்று.

இந்தியாவின் விடுதலைக்கு வித்திட்ட முதல் புரட்சி 1806 ஆம் ஆண்டு ஜூலை 10 ஆம் தேதி வேலூரில் நடந்த சிப்பாய் புரட்சி தான். 1806-ல் மதராஸ் படைக்கு முதன்மை தளபதியாக நியமிக்கப்பட்ட சர்ஜான் கிரடேக் என்பவர் பல விதிமுறைகளை புகுத்தினார் இந்திய படைகள் சமய அடையாளங்களை அணியக் கூடாது. தலையில் குடுமி வைக்கக்கூடாது ஐரோப்பிய ராணுவ உடைகளை மட்டுமே அணிய வேண்டும் என்ற கடுமையான விதிமுறைகள் உருவாக்கப்பட்டன.

சிப்பாய்கள் ஐரோப்பிய முறையில் தொப்பி அணிந்து மாட்டுத் தோலால் ஆன பட்டையை வைக்க வேண்டும் என்ற உத்தரவு இந்து, முஸ்லிம் சமயத்தை சேர்ந்த 1500 வீரர்களுக்கு கோபத்தை மூட்டியது. அதனால் ஆங்கிலேயர்களுக்கு எதிராக அவர்கள் கிளர்ச்சியில் ஈடுபட முயன்றனர் கிளர்ச்சியில் ஈடுபட முயன்றவர்களுக்கு தலா 600 பிரம்படி தண்டனை வழங்கப்பட்டது. இந்த நடவடிக்கை இந்திய சிப்பாய்களுக்கு மேலும் கோபத்தை அதிகரிக்க செய்தது.

இந்நிலையில் இந்திய சிப்பாய்கள் 1806 ஆம் ஆண்டு ஜூலை 10 ஆம் தேதி புரட்சியில் ஈடுபட்டு அதிகாலை உறக்கத்தில் இருந்த ஆங்கிலேய அதிகாரிகள் 100 பேரை கொன்று குவித்தனர்.இந்த தகவல் உடனடியாக ஆற்காட்டில் இருந்த ஆங்கிலேய படைகளுக்கு தெரிவிக்கப்பட்டு புரட்சி அடக்கப்பட்டது. அப்போது கொல்லப்பட்ட சிப்பாய்கள் 350க்கும் மேற்பட்டோரை வேலூர் கோட்டைக்குள் இருந்த கிணறு ஒன்றில் வீசி அக்கிணற்றை மூடியதாக வாய்மொழி வரலாறு உண்டு. உயிர்நீத்த வீரர்களின் நினைவாக வேலூர் மக்கான் பகுதியில் நினைவுத்தூண் ஒன்று 1998ல் நிறுவப்பட்டது. 2006ம் ஆண்டில் வேலூர் சிப்பாய் புரட்சி நினைவு அஞ்சல் தலையும் வெளியிடப்பட்டது.

*🌐ஜூலை 10, வரலாற்றில் இன்று:வரலாற்றில் மறைக்கப்பட்ட விஞ்ஞானி நிகோலா டெஸ்லா பிறந்த தினம் இன்று.*

ஜூலை 10, வரலாற்றில் இன்று.

வரலாற்றில் மறைக்கப்பட்ட விஞ்ஞானி நிகோலா டெஸ்லா பிறந்த தினம் இன்று.

வரலாறு என்பது வேட்டைக்காரர்களின் டைரிக் குறிப்பே. சிங்கம் வந்து உண்மையைச் சொல்லாதவரை வேட்டைக்காரர்கள் தான் ராஜாக்கள். இது டெஸ்லா என்கிற அறிவியல் சிங்கத்தின் கதை.

ஆஸ்திரியாவில் ஜூலை 10, 1856 ல் பிறந்த நிகோலா டெஸ்லாவுக்கு அறிவியல் என்றால் அவ்வளவு பிரியம். கையில் கிடைத்த உபகரணங்களை வைத்து எதாவது புதிய பொருளை கண்டுபிடிப்பது அவனது வாடிக்கை. "உன்னை மாதிரி ஆட்களுக்கு அமெரிக்காவில் நிறைய மவுசு” என்று நண்பர் சொல்ல அமெரிக்காவின் பிரபலமான பணக்கார விஞ்ஞானியான எடிசனுடைய ஆராய்ச்சிக்கூடத்தில் ஆராய்ச்சியாளர் பணிக்கு எழுதிப் போட்டார். டெஸ்லாவின் திறமையைக் கண்ட எடிசன் அவரை உடனே வேலைக்குச் சேர்த்துக் கொண்டார்.

அமெரிக்க விஞ்ஞானிகள் எல்லாம் பணத்தின் பின்னால் ஓடிக் கொண்டிருக்க, தன் கனவின் பின்னால் ஓடிக் கொண்டிருந்தார் டெஸ்லா. அவர் கண்டுபிடித்த ஒவ்வொரு பொருளையும் எடிசன் தனது பெயரில் பேடண்ட் உரிமை வாங்கிக் கொண்டிருந்தார்.
அதைப்பற்றி எந்த கவலையும் இல்லாமல் தனது கண்டுபிடிப்புகளை நிகழ்த்திக் கொண்டிருந்தார் டெஸ்லா. ஒரு கட்டத்தில் தான் ஏமாற்றப்படுவதை உணர்ந்த டெஸ்லா எடிசனிடம் நியாயம் கேட்க ”வெளியே போ” என்கிற பதிலே கிடைத்தது.

வெளியே வந்த டெஸ்லாவுக்கு எடிசனின் போட்டிக் கம்பேனிகள் ஆதரவுக்கரம் நீட்டினர். டெஸ்லாவும் ஒரு கம்பெனியில் சேர்ந்து தன் பணிகளைத் தொடர்ந்தார். அவைகளும் சொற்ப ராய்ல்டி கொடுத்து ஏமாற்றின. இதைக் கண்டுகொள்ளாமல் டெஸ்லா தனது சிறந்த கண்டுபிடிப்பான AC கரண்ட் என அழைக்கப்படும் ஆல்டர்னேடிவ் கரண்டைக் கண்டுபிடித்தார். இது ஏற்கனவே DC கரண்ட் எனும் டைரக்ட் கரண்டை கண்டுபிடித்த எடிசனுக்கு பெரிய தலைவலியைத் தந்தது. அவர் DC கரண்டில் நிறைய முதலீடு செய்திருந்தார். AC கரண்ட் , DC கரண்டை விட விலை மலிவாகவும் எளிதில் பயன்படுத்தக் கூடியதாகவும் இருந்தது. உலகமே AC கரண்டிற்கு மாறிக் கொண்டிருந்தது. நீரில் இருந்து மின்சாரத்தை பெருமளவு தயாரிக்க முடியும் என்று நயாகரா அருவியில் இருந்து மின்சாரம் தயாரித்துக் காட்டினார். இதை எல்லாம் எடிசனால் பொறுத்துக் கொள்ளமுடியவில்லை. எடிசன் தனது அதிகாரத்தையும் பணத்தையும் வைத்து டெஸ்லாவை விரட்டினார்.. (கடைசியில் டெஸ்லா இறந்த பிறகு எடிசன் AC கரண்டிற்கு மாறினார் என்பது உபரித் தகவல்).

எடிசன் தான் கண்டுபிடித்த பல்பை இன்னும் செம்மையாக்க பல லட்சம் டாலர்களை செலவு செய்துகொண்டிருந்த பொழுது டெஸ்லா நியான் பல்புகளைக் கண்டுபிடித்தார்.
எடிசனின் பல்புகள் டெஸ்லாவின் பல்பின் ஐந்து சதவீத சக்தியைக் கூடத் தரவில்லை.நியான் பல்புகளைக் கண்டு பிடிக்கும் முன் டெஸ்லா ஃப்லோரஸண்ட் பல்புகளைக் கண்டுபிடித்தார் என்பது குறிப்பிடத்தக்கது.இது எடிசனின் பல்பு வியாபரத்தை மேலும் பாதித்தது.

டெஸ்லா எப்போதும் அமைதியையே விரும்பினார் . ஏனோ அது கடைசி வரை அவருக்கு கிட்டவேயில்லை.
அவரது மனிதநேயத்திற்கு ஒரு சான்று. அவர் மின்னூட்ட துகள் கற்றைகளைக் கண்டுபிடித்த பொழுது உலகிலேயே அதிபயங்கரமான ஆயுதமாக அது இருந்தது.
அவர் அதை அமைதிக்கான கற்றைகள் என்றே பெயரிட்டார். உள்நுழையும் எதிரி நாடுகளுக்கெதிராகத் தான் பயன்படுத்த வேண்டும் என்று அவர் கேட்டுக் கொண்டார்.பல கம்பெனிகள் அதை அவரிடம் இருந்து வாங்க போட்டி போட்டனர். அவர்களின் சூழச்சிகளை உணர்ந்த அவர் அதை விற்கவே இல்லை. பணக்காரனாய் இருப்பதை விட மனிதனாய் இருப்பது முக்கியம் என்று அவர் கருதினார்.

ரேடியோவைக் கண்டுபிடித்தவர் மார்க்கோனி என்று படித்திருப்போம். ஆனால் மார்க்கோனி ரேடியோவைக் கண்டுபிடிப்பதற்கு இரண்டாண்டுகளுக்கு முன்னரே டெஸ்லா ரேடியோவைப் பற்றி ஒரு உரையை நிகழ்த்தியிருந்தார்.
ரேடியோவிற்கான முதல் பேட்டன்ட் உரிமையையும் அவர் 1893ல் பதிந்திருந்தார். ஆனால் 1904 ஆம் வருடம் அரசியல் செல்வாக்கு பெற்றவரும்,எடிசனின் பிரியத்திற்கு உரியவருமான மார்க்கோனி தான் ரேடியோவைக் கண்டுபிடித்தார் என்று அமெரிக்கா அறிவித்தது. அதற்காக அவர் நோபல் பரிசும் பெற்றார்.

இத்தனை இடையூறுகளுக்கு மத்தியிலும் டெஸ்லா 411 கண்டுபிடிப்புகளுக்கு பேட்டர்ன் உரிமையை வாங்கியிருந்தார். காந்தத் தூண்டலைக் கண்டுபிடித்தவர் டெஸ்லா. அவர் பெயரிலேயே நாம் அதை அளவிடுகிறோம். X கதிர்கள், வேக்கம் டியூப்கள், இப்போது பயன்படுத்தப்படும் இண்டக்ஷன் மோட்டார்கள், எதிரிகளின் ஊடுருவலைத் தடுக்கும் ரேடார்கள் எல்லாம் டெஸ்லாவின் கொடையே. டெஸ்லாவுக்கு பொருளுதவி செய்துகொண்டிருந்தே ஒரே நண்பரான ஜே.பி.மார்கனும் இறந்துவிட  டெஸ்லா கையறு நிலைக்குத் தள்ளப்பட்டார்.
எடிசன் என்கிற பணக்கார வியாபார விஞ்ஞானியிடம் சிக்கி அங்கீகாரத்திற்காக அலைந்து கடைசியில் மனம் உடைந்து ஹோட்டல் அறையில் அனாதையாக தற்கொலை செய்துகொண்டார். தற்கொலை செய்பவர்கள் இறந்த பிணத்தை எரியூட்டும் வேலையே செய்கிறார்கள்.கடைசி வரை தனது கனவுகளுக்காக போராடிய டெஸ்லாவும் மனதால் இறந்த பின் தனது உடலை மாய்த்துக் கொண்டார்.

ஒரு மேடையில் தாமஸ் ஆல்வா எடிசன் சொன்னதை இங்கே நினைவு கூறாமல் இருக்க முடியவில்லை. “வியாபாரத்திலும், தொழிற்துறையிலும் திருடாதவர்கள் யாரும் இல்லை.
நானும் திருடியிருக்கிறேன். மற்றெல்லோரையும் விட, எனக்கு எப்படித் திருடுவது என்று தெரியும்."

*✒10 மற்றும் 12 ஆம் வகுப்பு தேர்வு முடிவுகளை இன்று வெளியிடுகிறது ஐ.சி.எஸ்.இ.,*

*✒10 மற்றும் 12 ஆம் வகுப்பு தேர்வு முடிவுகளை இன்று வெளியிடுகிறது ஐ.சி.எஸ்.இ.,*


10 மற்றும் 12 ஆம் வகுப்பு
தேர்வு முடிவுகளை இன்று வெளியிடுகிறது ஐ.சி.எஸ்.இ.,

சென்னை : ஐ.சி.எஸ்.இ. பாடத்திட்டத்தில் 10ம் வகுப்பு மற்றும் பிளஸ் 2 தேர்வு முடிவுகள் இன்று வெளியிடப்படும் என அறிவிக்கப்பட்டுள்ளது.இந்திய சான்றிதழ் கல்வி வாரியமான ஐ.சி.எஸ்.இ. தலைமை செயல் அதிகாரி ஜெர்ரி அரத்தூண் வெளியிட்ட செய்திக்குறிப்பு:பத்தாம் வகுப்பு மற்றும் பிளஸ் 2 பொதுத்தேர்வு முடிவுகள் இன்று பகல் 3:00 மணிக்கு வெளியிடப்படுகின்றன. முடிவுகளை ஐ.சி.எஸ்.இ.யின் www.cisce.org என்ற இணையதளம் வழியாகவும் மாணவர்களுக்கான அலைபேசி எஸ்.எம்.எஸ். வழியாகவும் தெரிந்து கொள்ளலாம்.

மாணவர்கள் தங்கள் மதிப்பெண்ணை மறு ஆய்வின் வழியே தெரிந்து கொள்ள ஜூலை 16ம் தேதிக்குள் ஆன்லைன் வழியே விண்ணப்பிக்க வேண்டும். ஒவ்வொரு தாளுக்கும் 1000 ரூபாய் கட்டணம் செலுத்த வேண்டும்.மாணவர்கள் மதிப்பெண் பட்டியலை டிஜிட்டல் வழியில் பதிவிறக்கம் செய்யலாம். மத்திய அரசின் 'டிஜி லாக்கர்' தளத்தில் இதற்கான வசதிகள் செய்யப்பட்டுள்ளன.இவ்வாறு அதில் கூறப்பட்டுள்ளது.

*🌷அரசாணை 37 நாள் 10.03.2020 ல் அரசு ஊழியர்களுக்கான முன் ஊதிய உயர்வுகளை மட்டுமே இரத்து செய்ய ஆணையிடப்பட்டுள்ளதால் அரசாணை எண் 42 நாள் 10.01.1969 மற்றும் அரசாணை எண் 747 நாள் 18.08.1986 ன் அடிப்படையில் வழங்கப்படும் ஊக்க ஊதிய உயர்வுகளை வழங்கிட தடையேதும் இல்லை என்பது சார்பான அரியலூர் மாவட்ட முதன்மைக்கல்வி அலுவலரின் செயல்முறைகள் ஓ.மு.எண்.3369/ஆ4/2020 நாள் 06.07.2020.*

*🌷அரசாணை 37 நாள் 10.03.2020 ல் அரசு ஊழியர்களுக்கான முன் ஊதிய உயர்வுகளை மட்டுமே இரத்து செய்ய ஆணையிடப்பட்டுள்ளதால் அரசாணை எண் 42 நாள் 10.01.1969 மற்றும் அரசாணை எண் 747 நாள் 18.08.1986 ன் அடிப்படையில் வழங்கப்படும் ஊக்க ஊதிய உயர்வுகளை வழங்கிட தடையேதும் இல்லை என்பது சார்பான அரியலூர் மாவட்ட முதன்மைக்கல்வி அலுவலரின் செயல்முறைகள் ஓ.மு.எண்.3369/ஆ4/2020 நாள் 06.07.2020.*

*🖥️அரசுப் பள்ளி மாணவர்களுக்கு ஆன்லைன் வகுப்புகள்..இந்த 5 சேனல்களில் ஒளிபரப்பசெய்யப்படும்.*

*🖥️அரசுப் பள்ளி மாணவர்களுக்கு ஆன்லைன் வகுப்புகள்..இந்த 5 சேனல்களில் ஒளிபரப்பசெய்யப்படும்.*


 *அரசுப் பள்ளி* *மாணவர்களுக்கு*
*ஆன்லைன் வகுப்புகள்..இந்த*
*5 சேனல்களில் ஒளிபரப்பு செய்யப்படும்..*

*பொதிகை, கல்வித் தொலைக்காட்சி, பாலிமர், புதிய தலைமுறை, தந்தி என்று 5 அரசு & தனியார் டிவி சேனல்கள் மூலம், குறிப்பிட்ட நேரத்துக்கு பள்ளிப் பாடங்கள் ஒளிபரப்பப்படும் என்றும் மாணவர்கள் வீடுகளில் இருந்தவாறே கற்றுக் கொள்ளலாம் என்றும் அமைச்சர் செங்கோட்டையன் தெரிவித்துள்ளார்.*

*ஈரோடுமாவட்டம் கோபிசெட்டிபாளையத்தில் செய்தியாளர்களிடம் பேசிய பள்ளிக் கல்வித்துறை அமைச்சா் செங்கோட்டையன், "கல்வியாளா்களின் கோாிக்கை ஏற்று பழைய பாடத்திட்டமே கொண்டுவந்து நடைமுறைப்படுத்த ஆணை பிறப்பிக்கப்பட்டுள்ளது. அரசு பள்ளிகளில் 13ம் தேதி முதல் ஆன்லைன் கல்வி முறை தொடங்வுள்ளது. தனியாா் தொலைக்காட்சிகள் ஒவ்வொரு பாடத்திற்கு ஒரு சேனல் என 5 தொலைக்காட்சிகளில் ஔிப்பரப்ப நடவடிக்கை மேற்கொள்ளப்பட்டுள்ளது.*


*பாடப்புத்தகங்களை மாணவா்களுக்கு வழங்கியவுடன் இத்திட்டம் செயல்படத்தொடங்கும். பாடப்புத்தகங்கள் அனைத்தும் பள்ளிகளுக்கு வந்துள்ளது.* *மாணவா்களுக்கு வழங்க நடவடிக்கை மேற்கொள்ளப்பட்டு வருகிறது. பொதிகை, கல்வித் தொலைக்காட்சி, பாலிமர், புதிய தலைமுறை,* *தந்தி என்று 5 அரசு & தனியார் டிவி சேனல்கள் மூலம், குறிப்பிட்ட நேரத்துக்கு பள்ளிப் பாடங்கள் ஒளிபரப்பப்படும்.* *மாணவர்கள் வீடுகளில் இருந்தவாறே கற்றுக் கொள்ளலாம்.*
*12ஆம் வகுப்பு தேர்வு முடிவுகள் அறிவிப்பதில் ஒரு சில சிக்கல்கள் உள்ளன. ஏனெனில் 34,482 மாணவா்கள் கடைசி தேர்வை எழுதவில்லை. அதில் 718 மாணவா்கள் தேர்வெழுத ஒப்புதல் அளித்துள்ளனா். அவர்களுக்கான தேர்வு  முடிந்தவுடன் 4 நாட்களில் முடிவுகள் வெளியிடப்படும். நீட் தேர்வு  ஒத்திவைக்கப்ட்டுள்ள நிலையிலும் 7200 மாணவா்களுக்கு தொடா்ந்து பயிற்சி அளிக்கப்பட்டுவருகிறது"* *எனக் கூறினார்.*

*📘EMIS Online TC - Identification Mark List Details ( Tamil & English ) NEW, ONLINE TC Entries.*

*📘EMIS Online TC - Identification Mark List Details ( Tamil & English ) NEW, ONLINE TC Entries.*


*EMIS Online TC - Identification Mark List :*


*( உங்கள் தேவைக்கேற்ப EDIT செய்து பயன்படுத்திக் கொள்ளவும் )*

*1.இடது உள்ளங்கையில் ஒரு மச்சம் A mole on the left palm*

*2.நெற்றியில் ஒரு மச்சம் A mole on the forehead*

*3.ஆள்காட்டி விரலில் ஒரு மச்சம் A mole on the index finger*

*4.இடது முட்டியில் ஒரு தழும்பு A scar on the left knee*

*5.வலது கணுக்காலில் ஒரு வடு A scar in the right ankle*

*6.வலது முழங்கையில் ஒரு வடு A scar in the right elbow*

*7.இடது கட்டை விரலில் ஒரு மச்சம் A mole on the left thumb*

*8.வலது தொடையில் ஒரு தழும்பு A scar on the right thigh*

*9.வலது கன்னத்தில் ஒரு மச்சம் A mole On the right cheek*

*10.இடது தோள்பட்டையில் ஒரு மச்சம் A mole on the left shoulder*

*11.வலதுபுற புருவத்தில் ஒரு தழும்பு A scar on the right eyebrow*

*12.வலது காதின் பின்புறத்தில் ஒரு மச்சம் A mole on the back of the right ear*

*குறிப்பு : உங்கள் தேவைக்கேற்ப இவற்றை மாற்றி பயன்படுத்திக் கொள்ளவும்*

*🌐ஜூலை 9, வரலாற்றில் இன்று:இந்திய வன உயிரிகள் வாரியம் பரிந்துரையின் பேரில், 'டைகர் பாந்தெரா டைகிரிஸ்" என்ற அறிவியல் பெயர் கொண்ட வங்காள புலி தேசிய விலங்காக தேர்ந்தெடுக்கப்பட்ட தினம் இன்று(1969).*

ஜூலை 9, வரலாற்றில் இன்று.

இந்திய வன உயிரிகள் வாரியம் பரிந்துரையின் பேரில், 'டைகர் பாந்தெரா டைகிரிஸ்" என்ற அறிவியல் பெயர் கொண்ட வங்காள புலி தேசிய விலங்காக தேர்ந்தெடுக்கப்பட்ட தினம் இன்று(1969).

*🌐ஜூலை 9,* *வரலாற்றில் இன்று:முதன் முதலாக வர்த்தக ரீதியிலான இயற்கை எரிவாயு 1815ஆம்* *ஆண்டு,அமெரிக்காவின் மேற்கு வெர்ஜ்ஜினியாவின் சார்லஸ்டன் எனும் இடத்தில் கண்டறியப்பட்ட தினம் இன்று.*

ஜூலை 9, வரலாற்றில் இன்று.

முதன் முதலாக வர்த்தக ரீதியிலான இயற்கை எரிவாயு 1815ஆம்
 ஆண்டு, அமெரிக்காவின் மேற்கு வெர்ஜ்ஜினியாவின் சார்லஸ்டன் எனும் இடத்தில் கண்டறியப்பட்ட தினம் இன்று.

 உப்புநீர்க் கிணறுக்காக துளையிட்டபோது  எதிர்பாராத விதமாக  தீப்பிடித்தது. அதன் காரணத்தை ஆராய்ந்த போது, இயற்கை எரிவாயு மற்றும் கச்சா எண்ணெய் இருப்பது கண்டறியப்பட்டது. இது, தொழிற்புரட்சியின் போது உருவான தொழிற்சாலைகளுக்கு தேவையான கச்சா எண்ணெய் மற்றும் எரிவாயுவை நிவர்த்தி செய்தது.

*🌐ஜூலை 9,* *வரலாற்றில் இன்று:பெரியார்-மணியம்மை திருமணம் நடந்த தினம் இன்று.*

ஜூலை 9, வரலாற்றில் இன்று.

பெரியார்-மணியம்மை திருமணம் நடந்த தினம் இன்று.

ஈ.வெ.ராமசாமி மணியம்மையை மணம் முடிப்பதில் அப்போதைய திராவிடர் கழக இரண்டாம் கட்ட தலைவர்களுக்கு சுத்தமாக விருப்பம் இல்லை. திருமண ஏற்பாட்டை கைவிடக்கோரும் தீர்மானம் திராவிடர் கழக நிர்வாகிகளால் 1949 ஜூலை 10-ஆம் தேதி நிறைவேற்றப்பட்டது. ஆனால், 1949 ஜூலை 9ஆம் தேதியே ஈ.வெ.ராமசாமி – மணியம்மை திருமணம் சென்னையில் ஈ.வெ.ரா-வின் நண்பர் நாயகம் வீட்டில் பதிவாளர் வரவழைக்கப்பட்டு, ரகசியமாக நடந்தேறிவிட்டது.

இந்த செய்தி, திருச்சியில் திராவிடர் கழகத்தின் மத்திய நிர்வாகக்குழுவில் தீர்மானம் நிறைவேறியபின் தந்தி மூலம் வந்து சேர்ந்தது. அதிர்ச்சியும் ஆயாசமும் அடைந்த நிர்வாகக்குழு உறுப்பினர்களுக்கு அண்ணா ஆறுதல் கூறி, இனி நடக்க வேண்டியதைப் பார்ப்போம் என ஊக்குவித்தார். ஈ.வெ.ரா-வின் முடிவை ஏற்காதவர்கள் எத்தனை பேர் என்று கண்டறியும் முயற்சியை மேற்கொள்ளுமாறு அனைவரையும் கேட்டுக்கொண்டார்.

தலைவர்(ஈ.வெ.ரா) தமது முடிவை மாற்றிக் கொள்ளாதவரை திராவிடர் கழகப் பணிகளிலிருந்து விலகி நிற்பது என்று முன்னரே தீர்மானிக்கப் பட்டிருந்ததால் கட்சிப்பணிகள் யாவும் நின்றுபோய் கட்சியே ஸ்தம்பித்து விட்டது.

ஈ.வெ.ரா இதனால் சினமடைந்து தமது விடுதலை நாளிதழில் அனுதினமும் அண்ணாவையும், அவரை ஆதரிப்பவர்களையும் பலவாறு தூற்றத் தொடங்கினார். அவர்கள் மீது பலவாறான பழிகளை சுமத்தவும் தொடங்கினார்.

1949 ஜூலை 13-ஆம் தேதி விடுதலை நாளிதழில் ஈ.வெ.ராமசாமி எனக் கையொப்பமிட்டு திருமண எண்ணத் தோற்றத்துக்குக் காரணமும் அவசர முடிவும் என்ற தலைப்பில் திடுக்கிட வைக்கும் அறிக்கையொன்று வெளியாகியது. அதில், தம்மைக் கொல்வதற்கு யாரோ சதி செய்து வருவதாக ஈ.வெ.ரா குறிப்பிட்டிருந்தார். சதி செய்யும் நபர் அண்ணா தான் என்று படிப்பவர்கள் யூகித்துக் கொள்ள இயல்வதுபோல மறைமுகமான அடையாளங்கள் அதில் இடம்பெற்றிருந்தன. அதேபோல் சம்பத்தை குறித்தும் அவர் கொலை செய்ய முயற்சி செய்பவர்களுக்கு துணையாக இருக்கிறார் என்பது போலத் தகவல்கள் காணப்பட்டன.

தம்மீது சுமத்தப்பட்ட களங்கத்தை நீக்கிக் கொள்வதற்காக ஈ.வெ.ரா மீது அவதூறு வழக்குத் தொடுத்தார் அண்ணா. அவருக்காக வழக்கறிஞர் ஜகநாதனும் ஈ.வெ.ரா சார்பில் வழக்கறிஞர் கைலாசமும் நீதிமன்றத்தில் வழக்காடினார்கள். நீதிமன்றத்துக்கு ஈ.வெ.ரா., அண்ணா இருவரும் வந்திருந்தனர்.

ஈ.வெ.ரா-வின் வழக்கறிஞர் எடுத்த எடுப்பிலேயே தமது கட்சிக்காரர் அண்ணாவை மனதில் கொண்டு அந்தக் கட்டுரையை எழுதவில்லை எனக் கூறினார். எனவே அண்ணா வழக்கைத் தொடர விரும்பவில்லை. அவரது வழக்கறிஞரிடம் நீதிபதி உங்கள் கட்சிக்காரர் என்ன கருதுகிறார் என்று கேட்டார். அண்ணாவிடம் கலந்து பேசிய வழக்கறிஞர ஜகநாதன், கட்டுரையில் குறிப்பிட்டது எனது கட்சிக்காரரைப் பற்றி அல்ல என்று பிரதிவாதி வாக்குமூலம் அளிக்கும் பட்சத்தில் வழக்கைத் தொடர விருப்பமில்லை எனக் கூறினார். அதன் பயனாக வழக்கு தள்ளுபடி செய்யப்பட்டது.

ஈ.வெ.ரா – மணியம்மை ஆகிய இருவர் மீதுமே சம்பத் அவதூறு வழக்குத் தொடர்ந்தார். வயதை உத்தேதித்து, ஈ.வெ.ரா-வுக்கு நீதிமன்றத்துக்கு வராமல் இருக்க அனுமதி அளிக்கப்பட்டது. ஆனால் மணியம்மை வந்தாக வேண்டும் என அறிவுறுத்தப்பட்டது. வழக்கு விசாரணைக்கு வந்த போது ஈ.வெ.ரா – மணியம்மை, இருவருமே வருத்தம் தெரிவித்தனர். எனவே அந்த வழக்கு சம்பத் ஒப்புதலுடன் தள்ளுபடி செய்யப்பட்டது.

பிற்காலத்தில் ஈ.வெ.ராவின் பழிச்சொற்களை மறுப்பதற்காகவே “மாலைமணி” என்ற பத்திரிக்கை அண்ணாவால் தொடங்கப்பட்டது  வரலாறு.

மலர்மன்னன் எழுதிய  “தி.மு.க உருவானது ஏன்?” என்ற புத்தகத்திலிருந்து.

*🌐ஜூலை 9,* *வரலாற்றில் இன்று:நீதிக்கட்சியின் தலைவர்களுள் ஒருவரும்,* *சென்னை மாகாணத்தின் இரண்டாவது* *முதலமைச்சருமான, "பனகல் அரசர்" பனங்கன்டி ராமராய நிங்கார் பிறந்த தினம் இன்று(1866).*

ஜூலை 9, வரலாற்றில் இன்று.

நீதிக்கட்சியின் தலைவர்களுள் ஒருவரும், சென்னை மாகாணத்தின் இரண்டாவது
முதலமைச்சருமான, "பனகல் அரசர்" பனங்கன்டி ராமராய நிங்கார் பிறந்த தினம் இன்று(1866).

இருபதாம் நூற்றாண்டின் முற்பகுதியில் பிராமண ஆதிக்கம் உச்சத்தில் இருந்த சமயத்தில் இந்தியா முழுக்க  கல்லூரிகளிலும் பள்ளிகளிலும்    சமஸ்கிருதம் கட்டாயம் தெரிந்திருக்க வேண்டும் என்ற சட்டமிருந்தது.

1921ல் நீதி கட்சியின் முதலமைச்சராக இருந்த பனகல் அரசர் சென்னை பல்கலைகழகத்தில் மசோதா கொண்டு வந்து இந்த சட்டத்தை நீக்கினார்.

கோயில் சொத்துக்களை ஒரு சிலரே அனுபவித்து வருவதைத் தடுக்கும் வகையில்,
கோயில் என்பது அனைத்து சமூகத்தினருக்கும் பொதுவானது என்று, கோயில்களுக்கென தனி துறையை, பல தரப்பினரின் எதிர்ப்புகளை சமாளித்து உருவாக்கினார். அதுதான் "இந்து அறநிலையத்துறை"

மருத்துவப் படிப்பு படிக்க வேண்டுமானால் சமஸ்கிருதம் கட்டாயமாக கற்றிருக்க வேண்டும் என்ற சட்டம் இருந்தது. அந்த  நிலையில்தான், "மருத்துவம் படிக்க சமஸ்கிருதம் தேவையில்லை" என உத்தரவிட்டு, அனைத்து சமூகத்தவரும் டாக்டராகும் வாய்ப்பை உருவாக்கி வைத்தார்.

கிராமப்புறம் உள்பட பல இடங்களிலும் சித்த மருத்துவ சிகிச்சை கிடைக்க வழிவகை செய்தார்.

தொழில்துறையை ஊக்குவிக்கவும் சட்டத்தைக் கொண்டுவந்ததுடன், வகுப்புவாரி இடஒதுக்கீட்டிற்கான முயற்சிகளை முன்னெடுத்தார்.

இவரது நினைவாக சென்னை தி.நகரின் மையப்பகுதியில் உள்ள பூங்கா "பனகல் பூங்கா" என்றும், சைதாப்பேட்டை
யிலுள்ள மாவட்ட வருவாய்த்துறை அலுவலகம் "பனகல் மாளிகை" என்றும் அழைக்கப்படுகின்றன.

திராவிட இயக்கத்தின் அடிப்படைக் கொள்கைகளை தனக்குக் கிடைத்த குறைந்த அதிகாரம் கொண்ட ஆட்சியின் மூலம் நிறைவேற்றிக் காட்டியவரை தமிழர்கள் அனைவரும் நினைவில் கொள்ள வேண்டும்.