சனி, 24 பிப்ரவரி, 2018
தி இந்து தலையங்கம்~ அரசுப் பணிகள் சீரமைப்பா, பணியிடங்களைக் குறைக்கும் முயற்சியா?
அரசுத் துறைகளில் உள்ள தேவையற்ற பணியிடங்களைக் கண்டறிய ஓய்வுபெற்ற ஐஏஎஸ் அதிகாரி எஸ்.ஆதிசேஷய்யா தலைமையில் ஒரு குழுவை அமைத்துள்ளது தமிழக அரசு. எந்தெந்தப் பணிகளைத் தனியாரிடம் ஒப்படைக்கலாம் என்றும் இந்தக் குழு பரிந்துரை செய்யவுள்ளது. அரசுத் துறைகளில் பல்லாயிரக் கணக்கான காலிப் பணியிடங்கள் நீண்ட காலமாக நிரப்பப்படாமல் இருக்கும் நிலையில், அரசின் இந்த முடிவு அதிர்ச்சியளிக்கிறது.
எந்தவொரு அரசு அலுவலகத்துக்குச் சென்றாலும், அங்கு போதுமான எண்ணிக்கையில் பணியாளர்கள் இல்லை. ஓய்வுபெற்றவர்கள், பணியிட மாற்றம் பெற்றவர்களின் இடங்கள் உடனடியாக நிரப்பப்படுவதில்லை. தலைமைச் செயலகம் முதற்கொண்டு வட்டாட்சியர் அலுவலகங்கள் வரை காலிப் பணியிடங்கள் ஆண்டுதோறும் அதிகரித்துக்கொண்டே இருக்கின்றன. இன்னொரு பக்கம், அரசுப் பணிகளுக்கு விண்ணப்பிக்கும் மாணவர்களின் எண்ணிக்கையும் ஆண்டுதோறும் அதிகரித்தபடியிருக்கிறது. மாவட்டத் துணை ஆட்சியர் பணிகளுக்கான குரூப் 1 பணிகள் தொடங்கி, அலுவலக உதவியாளர்களுக்கான குரூப் 4 பணிகள் வரை அனைத்துப் பணி களுக்கும் லட்சக்கணக்கான மாணவர்கள் விண்ணப்பிக்கிறார்கள்.
சில அரசு அலுவலகங்களில் கூடுதல் பணியிடங்கள் இருக்கின்றன என்பதையும், மிகச் சில அலுவலகங்களில் வேலையே நடப்பதில்லை என்பதையும் மறுப்பதற்கில்லை. அவற்றைக் கண்டறிந்து, தேங்கிக் கிடக்கும் பணிகளை முடுக்கிவிட வேண்டுமேயொழிய, அவற்றைத் தனியாரிடம் ஒப்படைத்துவிட முடிவெடுப்பது தவறானது. அரசுப் பணிகளில் உடனடியாகச் செயல்பட வேண்டியவை, நீண்ட கால நோக்கில் நன்மை பயப்பவை என்று அதன் நோக்கங்கள் வேறுபடுகின்றன. ஒரு வட்டாட்சியர் அலுவலகத்தின் பணிகளும், மாவட்ட அருங்காட்சியகத் தின் பணிகளும் வெவ்வேறானவை. ஆனால், இரண்டையுமே அரசு தான் பொறுப்பேற்று நடத்த வேண்டும். எந்தெந்தப் பணிகளை ஒப்பந்தத்தின் அடிப்படையில் தனியாரிடம் ஒப்படைக்கலாம் என்று முடிவெடுக்கும்போது, இந்தக் காரணங்கள் கருத்தில்கொள்ளப்பட வேண்டும்.
இந்தக் குழுவை நியமித்துள்ள தமிழக அரசின் நோக்கம், செலவுகளைக் குறைக்க வேண்டும் என்பதுதான். அதில் கொஞ்சம் உண்மையிருக்கிறது. ஆனால், பணியாளர்களின் எண்ணிக்கையைக் குறைத்தால் செலவுகளைக் குறைத்துவிடலாம் என்று வெறுமனே வரவு - செலவுப் பிரச்சினையாக மட்டும் இந்தப் பிரச்சினையை அணுகக் கூடாது.
2001 முதல் 2005 வரையில் அதிமுக ஆட்சியில் தமிழகத்தில் பணி நியமனத் தடைச் சட்டம் அமலில் இருந்தது. அப்போது போட்டித் தேர்வுகள் நடத்தப்படாததால், ஆயிரக்கணக்கான இளைஞர்கள் அரசுப் பணிகளுக்கான வாய்ப்பை இழந்தார்கள். மீண்டும் தேர்வுகள் நடத்தப்பட்டபோது, வயது வரம்புகள் தளர்த்தப்பட்டபோதும்கூடத் தகுதியான மாணவர்கள் பலரும் அந்த வாய்ப்பைப் பெற முடியாமல் போனது.
மத்திய அரசுப் பணியாளர் தேர்வாணையம் சமீபத்தில் அறிவித்துள்ள ஆட்சிப் பணித் துறைக்கான தேர்விலும் பணியிடங்கள் குறைக்கப்பட்டுள்ளன. மத்திய அரசுப் பணிகளுக்குப் போட்டியிடும் மாணவர் களுக்கு, அது கிடைக்காமல் போகும்பட்சத்தில், தமிழக அரசுப் பணியாவது கிடைத்துவந்தது. இப்போது அதற்கும் முட்டுக்கட்டை போடும் செயலைத் தமிழக அரசே செய்வது நியாயமாகாது!
நன்றி: தி இந்து தமிழ்.
24.02.18 (சனி)அன்று சென்னையில் ஜாக்டோ-ஜியோ மகளிர்மறியல்...
அன்பானவர்களே!வணக்கம்.
24.02.18 (சனி)அன்று சென்னையில் ஜாக்டோ-ஜியோ மகளிர்மறியல் .
நாமக்கல் மாவட்ட ஆசிரியர் மன்ற
மகளிர் பொறுப்பாளர்கள் தனி வாகனத்தில் பயணிக்கின்றனர்.
நாமக்கல் ஒன்றியச்செயலாளர் திரு.அ.செயக்குமார்,மாவட்டத்துணைச்
செயலாளர் திரு.வெ.
வடிவேல் ஆகியோருடன் வழித்துணையாய் மாவட்டச்செயலாளர் திரு.முருகசெல்வராசன் செல்கிறேன்.
சென்னையில் அன்றாடம் கைதாகி சிறை செல்லும் நிலையில் நாமக்கல் மாவட்ட மன்றப்பொறுப்பாளர்கள் இராணுவம்போன்றுஆய்த்தநிலையில் களத்தில் முனையிலே முகந்து நில்லுங்கள்.
நாம் வெல்வோம்
நன்றி
~முருகசெல்வராசன்
வெள்ளி, 23 பிப்ரவரி, 2018
ஜாக்டோ~ஜியோ:- சென்னையில் தொடர் மறியல் போராட்டம்-மூன்றாம் நாள் (23-2-18) நிகழ்வுகள்~தந்தி தொலைக்காட்சியில்...
நன்றி: தந்தி தொலைக்காட்சி...
Click here for video...
பேச்சு நடத்தும் வரை மறியல் ~ 'ஜாக்டோ - ஜியோ' உறுதி…
'ஜாக்டோ - ஜியோ' சார்பில், பல்வேறு கோரிக்கைகளை வலியுறுத்தி, மூன்றாவது நாளாக, நேற்றும் மறியல் போராட்டம் நடந்தது.
அரசு ஊழியர் மற்றும் ஆசிரியர் சங்கங்களின் கூட்டமைப்பான, ஜாக்டோ - ஜியோ சார்பில், தொடர் மறியல் போராட்டம் துவங்கியது.பல்வேறு மாவட்டங்களைச் சேர்ந்த ஆசிரியர்கள் மற்றும் அரசு ஊழியர்கள், சென்னைக்கு வந்து போராட்டம் நடத்துகின்றனர். நேற்று, மூன்றாவது நாளாக போராட்டம் நீடித்தது.
1.பழைய ஓய்வூதிய திட்டத்தை அனைவருக்கும் அமல்படுத்துவது;
2.ஏழாவது ஊதியக்குழு பரிந்துரைப்படி, 21 மாதத்துக்கான ஊதிய உயர்வு நிலுவைத் தொகையை வழங்குவது;
3.இடைநிலை ஆசிரியர்களின் ஊதிய முரண்பாடுகளை களைவது ,
போன்ற கோரிக்கைகளை வலியுறுத்தி, போராட்டம் நடக்கிறது. போராட்டத்தில் ஈடுபட்டவர்களை கைது செய்த போலீசார், மாலையில் விடுவித்தனர். அதுவரை, எழும்பூர் ராஜரத்தினம் விளையாட்டு மைதானத்தில், கைதானவர்கள் முகாமிட்டிருந்தனர்.
போராட்டம் குறித்து, ஜாக்டோ - ஜியோ ஒருங்கிணைப்பாளர்கள் கூறுகையில், ''போராட்டத்திற்கு வரும் ஆசிரியர்கள் வகுப்புகளை, 'கட்' அடிக்கவில்லை. சுழற்சி முறையில் விடுமுறை கேட்டு, போராட்டத்தில் பங்கேற்கின்றனர். அரசு பேச்சு நடத்தும் வரை போராட்டம் தொடரும்,'' என்றனர்.
SCERT - 4 DAYS PHONETIC TRAINING FOR PRIMARY & UPPER PRIMARY TEACHERS...
SCERT-தமிழகம் முழுவதும் உள்ள தொடக்க நடுநிலைப்பள்ளிகளில் 1 ஆம் வகுப்பு முதல் 5 ஆம் வகுப்பு வரை ஆங்கில வழியில் கல்வி புகட்டும் ஆசிரியர்களுக்கான நான்கு நாட்கள் ஆங்கில உச்சரிப்பு மற்றும் கற்பித்தல் பயிற்சி...
24-02-18 அன்று சென்னையில் ஜாக்டோ-ஜியோவின் மகளிர் மறியல்~ஆசிரியர் மன்றம் அழைக்கிறது....
🙏🏻🙏🏻🙏🏻🙏🏻🙏🏻🙏🏻
அன்பானவர்களே!வணக்கம்.
தமிழ்நாட்டின் வரலாற்றில்
முத்திரைப்பதிக்கும் போராட்டம் நம்சமகாலத்தில் சென்னையில் ஜாக்டோ-ஜியோ பதாகையில் நடைபெற்று வருகிறது.
இப்பெரும்.
போராட்டத்தில்
நம்
இனமானக்காவலர்,பொதுச்செயலாளர்,பாவலர்அய்யா அவர்களின்
வழிகாட்டுதலில் ஆசிரியர்மன்றம் முழுவீச்சுடன் களமாடுகிறது.
இப்பெரும்போராட்டத்தின் சிறப்பான வடிவமைப்பு,
போராட்ட யுத்தி 24.02.18-சனி அன்று மகளிர்மறியல் என்பதாகும்.
நாமக்கல் மாவட்ட ஆசிரியர்மன்ற
மகளிரணி அமைப்பாளர் திருமதி.வே.அமுதா(மல்லசமுத்திரம்)அவர்களின் தலைமையில் பெண்ணாசிரியர்கள் பங்கேற்கின்றனர்.
நாமக்கல் நகரில் இருந்து நாமக்கல் ஒன்றியச்செயலாளர்திரு. அ.செயக்குமார் அவரகள் பெண்ணாசிரியர்களை சென்னை
அழைத்துச்
சென்றுவரும் பொறுப்பினை ஏற்றுக்கொண்டுள்ளார்.
மாவட்டமகளிரணி துணைஅமைப்பாளர்திருமதி.ந.தங்கம்மாள்,மாவட்டதுணைத்தலைவர்.திருமதி .பொன்.திலகம்,
திருமதி.கு.பாரதி மாவட்டத்துணைச்செயலாளர் ஆகியோர் குழுவாக செயல்பட்டு ஒன்றிய பெண்பொறுப்பாளர்களை அணிதிரட்டி அழைத்துச்சென்றுவரும் பணியை மேற்கோண்டுள்ளனர்.
பெண்கள் சக்தி மறியல் போராட்டத்தை வெற்றியை நோக்கி அழைத்துச்செல்லும் எனும் நம்பிக்கையோடு
பெருஞ்சக்தி எனப்படுவது பெண்களேயாகும் எனும் மரபுவழி நம்பிக்கை வெல்லும்; மகளிர்மறியல் வெல்லும்;மகளிர் வெல்வோம்
எனும் கம்பீரத்தோடு சிறைபுகும் மன்றப்
பெண்பொறுப்பாளர்களை வரலாறு பதிவுச்செய்துக்
கொண்டு பாராட்டும்.
எமக்காக நாமே
சிறைபுகுவோம்;
ஊதியம்,
ஓய்வூதியம்,
உரிமைகள் காப்போம்;
பெறுவோம்...எனும் பெண்மையின்
முழக்கத்தில் வங்கக்கடல் அதிரட்டும்;
சிவக்கட்டும்;
ஆவேசமாய்
பொங்கி எழட்டும்.
வரலாற்றி்ன் நீண்ட நெடிய பதிவுகளில்
அநீதிக்கு எதிரான பெண்களின் அறத்சீற்றம் -
ஆவேசம்-
சினம்
பெருந்தீயாய் உருவெடுத்து பெரும் நகரங்களை,
அநீதி இழைத்த அரசுகளை சுட்டுப்பொசுக்கி சாம்பலாக்கி நீதியை நிலைநிறுத்தி உள்ளது
என்பதை
கற்றுள்ள- கற்பிக்கும் பெண்ணாசிரியர்களே! மகளிர்மறியலை வெற்றிபெறச்செய்யுங்கள்.
பெண்சக்தி பெருஞ்சக்தி.இவ்உண்மையை மறியல்களம் மெய்ப்பிக்கட்டும்
~முருகசெல்வராசன்.
இதற்கு குழுசேர்:
இடுகைகள் (Atom)