மாவட்டங்களுக்கு தேர்தல் பணிக்கு துணை ஆட்சியர்கள் நியமனம்

மதுரை, சேலம், விழுப்புரம் மாவட்டங்களுக்கு தேர்தல் பணிக்கு துணை ஆட்சியர்கள் நியமனம்

மதுரை, சேலம், விழுப்புரம் மாவட்டங்களுக்கு தேர்தல் பணிகளைக் கவனிப்பதற்கு துணை ஆட்சியர் நிலையிலான அதிகாரிகள் தற்காலிகமாக நியமனம் செய்து அரசாணை வெளியிடப்பட்டுள்ளது.
அதேபோல, இதே பணிநிலையில் காஞ்சிபுரம், திருவள்ளூர், வேலூர், கோவை, திருநெல்வேலி மாவட்டங்களில் உள்ள அதிகாரிகளின் பணிக்காலம் நீட்டிப்பு செய்யப்பட்டுள்ளது.
வாக்காளர் பட்டியல் தயாரிப்பு, வாக்காளர் விழிப்புணர்வு நிகழ்ச்சிகள் நடத்துதல், வாக்குச்சாவடிகள் தயாரிப்பது, வாக்குப்பதிவுக்கான அனைத்து நடவடிக்கைகளையும் மேற்கொள்வது உள்ளிட்ட பணிகள் ஆண்டு முழுவதுக்குமான தொடர் பணியாக இருந்து வருகிறது. அதிக சட்டப்பேரவைத் தொகுதிகளைக் கொண்ட வேலூர் (13), திருவள்ளூர் (11), காஞ்சிபுரம் (11), கோவை (10), திருநெல்வேலி (10) ஆகிய மாவட்டங்களில் துணை ஆட்சியர் நிலையிலான அதிகாரிகள் ஆட்சியரின் நேர்முக உதவியாளர் (தேர்தல்) என்ற பதவியில் தேர்தல் பணிகளைக் கவனித்து வருகின்றனர். பிற மாவட்டங்களில் ஆட்சியர்களின் பொது நேர்முக உதவியாளர்கள் தான் தேர்தல் தொடர்பான பணிகளைக் கவனிக்கின்றனர். இந்நிலையில், 6 தொகுதிகளுக்கு மேல் உள்ள 17 மாவட்டங்களுக்கு, தேர்தல் நேர்முக உதவியாளர்கள் பணியிடம் உருவாக்க வேண்டும் என தமிழ்நாடு வருவாய்த் துறை அலுவலர் சங்கம் வலியுறுத்தியது.

மாவட்ட ஆட்சியர்களின் பொது நேர்முக உதவியாளர்கள் கவனிக்க வேண்டிய பணிகள் மிக அதிகமானவை. அதிமுக்கியத்துவம் வாய்ந்த பல பணிகளைக் கவனித்து வரும் பொது நேர்முக உதவியாளர்களால், தேர்தல் ஆணையம் மற்றும் தலைமைத் தேர்தல் அதிகாரியால் நிர்ணயிக்கப்படும் காலக்கெடுவுக்குள் தேர்தல் பணிகளைச் சிறப்பாகச் செய்து முடிப்பதில் சிரமம் இருந்து வருகிறது என்றும் சங்கத்தின் சார்பில் வருவாய் நிர்வாக ஆணையரிடம் மனு அளிக்கப்பட்டிருந்தது.
இதன்பேரில், அதிக சட்டப்பேரவைத் தொகுதிகளைக் கொண்ட மதுரை, சேலம், விழுப்புரம் மாவட்டங்களுக்கு தேர்தல் பணிகளைக் கவனிக்க ஆட்சியர்களின் நேர்முக உதவியாளர் (தேர்தல்) பணியிடம், தற்காலிக அடிப்படையில் அனுமதிக்கப்பட்டுள்ளது. 2018 நவம்பர் 1 முதல் 2019 மே 31 ஆம் தேதி வரை இப் பணியிடத்துக்கு ஒப்புதல் வழங்கப்பட்டுள்ளது.
அதேபோல, ஏற்கெனவே வேலூர், திருவள்ளூர், காஞ்சிபுரம், கோவை, திருநெல்வேலி மாவட்டங்களில் உள்ள இப் பணியிடத்துக்கு 2019 மே 31 ஆம் தேதி வரை நீட்டிப்பு வழங்கப்பட்டுள்ளது.
தமிழக அரசு செயலர் மற்றும் தலைமைத் தேர்தல் அதிகாரி சத்ய பிரத சாஹூ இதற்கான அரசாணையை நவம்பர் 1-ஆம் தேதி பிறப்பித்துள்ளார்.

ஆசிரியர்கள் & அரசு துறை அலுவலர்களுக்கு ஆட்சிமொழி பயிலரங்கம் கலந்துகொள்ள நாமக்கல் ஆட்சித்தலைவர் அழைப்பு

நவ. 15-இல் நாமக்கல்லில் ஆட்சிமொழி பயிலரங்கம்

அரசு
அலுவலர்களுக்கான ஆட்சிமொழி பயிலரங்கம் வரும் 15 மற்றும் 16-ஆம் தேதிகளில் நாமக்கல்லில் நடைபெறவுள்ளது.

இதுகுறித்து மாவட்ட ஆட்சியர் மு.ஆசியா மரியம் வெளியிட்ட செய்திக்குறிப்பு: அரசு அலுவலகங்களில் ஆட்சிமொழி திட்டச் செயலாக்கம் விரைவாகவும், முழுமையாகவும் நடைபெற வழிகாட்டும் வகையில், மாவட்டந்தோறும் உள்ள அனைத்துத் துறை அலுவலர்கள் மற்றும் பணியாளர்களுக்கு ஆட்சிமொழி பயிலரங்கம் மற்றும் கருத்தரங்கம் நடத்திட அரசு உத்தரவிட்டுள்ளது.

அதன்படி, நாமக்கல் மாவட்ட ஆட்சியர் அலுவலக கூட்ட அரங்கில் தமிழ் வளர்ச்சித் துறை சார்பில், வரும் 15 மற்றும் 16-ஆம் தேதிகளில் அரசு அலுவலர் மற்றும் பணியாளர்களுக்கு பயிலரங்கம் மற்றும் கருத்தரங்கம் நடைபெறவுள்ளது. இப்பயிலரங்கு மற்றும் கருத்தரங்கில் ஆட்சிமொழி செயலாக்கம் குறித்து தமிழ் வளர்ச்சித் துறை உயர் அலுவலர்கள் பங்கேற்று பயிற்சி அளிக்கவுள்ளனர். இதில் அனைத்துத் துறை அரசு அலுவலர்கள், பணியாளர்கள் பங்கேற்று பயனடைய வேண்டும்.

Elections - General Elections to Lok sabha 2019-Selection, Appointment and training of Polling Personnel - creation of database-Duties of Presiding officer / Polling officers staff details called for-regarding...

மாநில அளவிலான குடியரசு தின தடகளப் போட்டிகள் நடைபெறும் இடம் மற்றும் தங்குமிடம் விவரம் தெரிவித்தல்

இந்திய தண்டனைச் சட்டங்கள் (Indian Penal Code) பற்றிய தகவல்கள்

மேலும் தகவலுக்கு click here....

கூட்டுறவுத் துறையில் பணிபுரியும் பணியாளர்களுக்கு ஊதிய விகித மாற்றங்களினால் கிடைக்கப்பெற உள்ள நிலுவைத் தொகைகள்விபரம் -முதலமைச்சர் அறிவிப்பு

கடல் அலைகள் ஏன் உருவாகிறது -ஆசிரியர் அறிவியல்

நிலாவும் சூரியனும்தான். இவை இரண்டும் மாறிமாறி செலுத்தும் ஈர்ப்பு விசைதான் அலைகளுக்குக் காரணம். இதனால் கடலில் உயர்வான அலையும் தாழ்வான அலையும் எப்போதும் மாறிமாறி ஏற்படுகின்றன. பூமியின் சுழற்சியாலும் காற்றின் வேகத்தாலும் தொடர்ந்து அலைகள் அதிகரிக்கின்றன.

பல நீரோட்டங்கள் ஆழ்கடலுக்குள் மாவு அரைக்கும் கன்வேயர் பெல்ட்டுகள் போலப் பிரம்மாண்டமாகச் சுழல்கின்றன. இப்படி ஏற்படும் விசைகளின் தாக்குதலுக்கு ஈடுகொடுக்க முடியாமல் கடலுக்குள் பாறைகள் நொறுங்குகின்றன. பாறைகள் நொறுங்குவதால் ஏற்படுவதுதான் கடல் மணல்.




ஒரு கடற்கரையில் குவிந்து கிடக்கும் கடல் மணல், அந்த இடத்தில் உள்ள பாறைகளிலிருந்து வந்தது என்று மட்டும் கூறிவிட முடியாது. உதாரணமாக, கர்நாடக மாநிலத்தின் ஹர்வாடா கடற்கரையில் உள்ள மணல், வடக்கே மகாராஷ்டிரத்திலிருந்து வந்தது.

இப்படி அலையின் போக்கில் மணல் பயணிக்கவும் செய்கிறது. அது சரி, கடற்கரையில் உள்ள மணல் எந்தப் பகுதியைச் சேர்ந்தது என்று எப்படிக் கண்டுபிடிக்கிறார்கள்?

குவார்ட்ஸ், ஃபெல்ஸ்பார் போன்றவை கடல் மணலில் நிறைய உள்ளன. இவற்றையும், கடல் மணலில் உள்ள வேதித்தன்மை, அதிலுள்ள கனிமங்கள் ஆகியவற்றை ஆராய்ந்து, அந்தந்த இடத்தின் பூர்வீக ரகசியங்களைக் கண்டுபிடிக்கிறார்கள் புவியியல் ஆய்வாளர்கள்

லோக்சபா தேர்தல் 2019 ஆசிரியர்கள் & களபணியாளர்களுக்கு பயிற்சி

அரசு ஊழியர் இறந்தால் 1ஆண்டில் கருணைப்பணி...

மனிதர்கள் எதிர்காலத்தில் ஒரு செயற்கை நுண்ணறிவு கொண்ட மெகா தெய்வத்தை வணங்குவார்கள்

முன்னேறி வரும் தொழில்நுட்பங்கள்  இந்த உலகில் மனிதனின் தேவையை வெகுவாக குறைத்து வருகிறது.  மனிதன் கண்டுபிடித்த இயந்திரங்களில் - வேலைகளில்  புகுந்து  மனிதர்களை வெளியேற்றி வருகின்றன.  இன்று நம்முடைய வேலைகளில் புகுத்தப்படும் ரோபோக்கள் நம்முடைய வேலைகளை நம்மை விட வேகமாகவும், துல்லியமாகவும், குறைந்த செலவிலும் செய்து முடித்து விடுவதால் அங்கு மனித ஆற்றல் பயனற்றதாகி விடுகிறது. 

ரோபாட், இயந்திரங்கள், கணினி மென்பொருள்கள் போன்றவற்றால் வேலை இழப்பு ஏற்படும் துறைகள் குறித்து அறிஞர்கள் அவ்வப்போது ஆராய்ந்து அதுகுறித்து தோராயமான மதிப்பீடுகளை அறிவித்து நம்மை  எச்சரித்து வருகின்றனர்.

லண்டன் வடிவமைப்பு மற்றும் பொறியியல் பல்கலைக்கழகம் தொழில்நுட்ப கல்லூரியில் கடந்த செப்டம்பர் 2016-இல் நுழைந்துள்ள இங்கிலாந்தின் முதல் வகுப்பறை ரோபோ ஆசிரியர் பெப்பர்  கல்வித் துறையில் ஆசிரியர்களுக்கு பெரும் சவாலாக இருக்கும் என எதிர்பார்க்கப்படுகிறது.

மோலி ரோபாட்டிக்ஸ் (Moley Robotics) என்ற புதிய நிறுவனம் 100 சதவீதம் தானாக இயங்கும் புத்திசாலித்தனமான ரோபோ சமையல்காரரை (Chef) உருவாக்கியுள்ளது.

ஆப்பிள் (Apple) மற்றும் சாம்சங் (Samsung) நிறுவனங்களுக்கு மிகப் பெரிய அளவில் எலக்ட்ரானிக்ஸ் உதிரி பாகங்களை வழங்கக் கூடிய பாக்ஸ்கான் (Foxcann) நிறுவனம் 60 ஆயிரம் தொழிலாளர்களை குறைத்துள்ளதாகவும், சீனாவின் எவர்வின் துல்லிய தொழில்நுட்பம் (Everwin Precision Technology) நிறுவனத்தில் 90 சதவீதப் பணியாளர்களுக்குப் பதிலாக ரோபோக்களைப் பயன்படுத்தும் பணி நடைபெற்று வருவதாகவும் கூறப்படுகிறது.

மருத்துவத் துறையில் அறுவைச் சிகிச்சையில் ரோபோக்கள் முன்னரே இருந்தாலும், தற்போது மூட்டு மாற்று அறுவைச் சிகிச்சை, கண் அறுவைச் சிகிச்சை வரை முன்னேறியுள்ளன.

ரோபோக்கள் ஆசிரியர்களுக்கு மாற்றாக மட்டுமல்லாமல், அங்காடிகளில் சில்லறை விற்பனையாளராகவும் செயல்படத் தொடங்கியுள்ளன. நெஸ்லே நிறுவனம் ஜப்பான் நாடு முழுக்க சுமார் 1000 மளிகை மற்றும் காபி கடைகளில் பெப்பர் ரோபோக்களை சில்லறை விற்பனையாளர் பணியில் பயன்படுத்தி வருகிறது.

பெரும்பாலான மேற்கத்திய நாடுகளில் பாதுகாவலர் பணியில் ரோபோக்களே பயன்படுத்தப்பட்டு வருகின்றன. காவலாளிகளைப் போல அனைத்துப் பணிகளையும் இந்த ரோபோக்கள் செய்கின்றன. கே5 ரோபோக்கள் கலிபோர்னியா மாகாணத்தில் உள்ள சிலிகான் வேலி அலுவலகங்களிலும், அங்குள்ள ஷாப்பிங் மால் போன்றவற்றிலும் காவலாளி பணியில் சிறப்பாக செயல்பட்டு வருவதாகக் கூறப்படுகிறது.

ஆஸ்திரேலிய மையம் ஃபீல்டு ரோபாட்டிக்ஸ்  (The Australian Centre for Field Robotics) என்ற நிறுவனம் கால்நடைகளை மேய்க்கும் ரோபோவை உருவாக்கியுள்ளது. உலகின் முதல் ரோபோ பண்ணை (Robot Farm) ஜப்பானில் உருவாகி வருகிறது. இங்குள்ள ரோபோக்கள் பயிர் நடுவது, தண்ணீர் பாய்ச்சுவது, அறுவடை செய்வது உள்ளிட்ட அனைத்துப் பணிகளையும் செய்கின்றன.

மருந்தாளுநர் பணியிலும் சமீபத்திய ரோபோடிக் பரிந்துரைப்பு சிஸ்டம்ஸ் டிஸ்பென்சிங் சிஸ்டம்ஸ் (Latest Robotic Prescription Dispensing Systems) பயன்படுத்தப்படுகிறது. இதனால், மனிதத் தவறுகளால் ஏற்படும் இறப்புகள் குறைந்துள்ளதாகக் கூறப்படுகிறது.

இதேபோல, ஓட்டுநர்கள், பத்திரிகையாளர்கள், வரவேற்பறை பணியாளர்கள், தொலைபேசி விற்பனையாளர்கள், கட்டுமானப் பணியாளர்கள், கணக்காளர், சுற்றுலா வழிகாட்டி, நூலகர், மருத்துவமனை நிர்வாகி போன்ற பணியிடங்களை ரோபோக்கள் ஆக்கிரமித்து விட்டன.

வருங்காலத்தில் 89 சதவிகித பேருந்து ஓட்டுநர்கள், 90 சதவிகித மேற்கூரை அமைக்கும் பணியாளர்கள், 94 சதவிகித கணக்காளர்கள், 95 சதவிகித துணை சட்ட அறிஞர்கள், 96 சதவிகித துணை சமையல்காரர்கள், 97 சதவிகித காசாளர்கள், 98 சதவிகித கடன் ஆய்வாளர்கள், கடன் அதிகாரிகள், 99 சதவிகித தொலைபேசிவழி விளம்பரதாரர்கள் பணியிடங்களை ரோபோக்கள் ஆக்கிரமிக்கும் என கருதப்படுகிறது.

செயற்கை நுண்ணறிவு (AI) தாக்கம் நம் வாழ்வின் அனைத்துப் பகுதிகளையும் புரட்டிப் போடும் போது, பிரபலமான நாவலாசிரியரான டான் பிரவுன் வருங்கால மனிதர்கள்  ஒரு செயற்கை நுண்ணறிவு இயக்கும் கடவுளாக மாற்றுவார்கள்  என்று எச்சரித்து உள்ளார்

டா வின்சி கோடு எழுத்தாளர் டான் பிரவுன் மேலும் செயற்கை நுண்ணறிவு வளர்ச்சி ஒரு புதிய வடிவமான கூட்டு உணர்வை கொடுப்பார்கள்  அது மதத்தின் பங்கை நிறைவேற்றும் என கூறினார்.

மனிதனின் தேவை  இனி இருக்காது ஆனால் செயற்கை நுண்ணறிவின் உதவியுடன், மதத்தின் பங்கை நிறைவேற்றும் ஒரு புதிய வடிவமான கூட்டு உணர்வுகளை  உருவாக்கலாம்.

ஒரு சில மாதங்களுக்கு முன்பு முன்னாள் கூகுள் பொறியாளரான அந்தோனி லெவண்டோவ்ஸ்கி செயற்கை நுண்ணறிவுடன் கூடிய  தேவாலயத்தை பதிவு செய்தார் .புதிய மதத்தை உருவாக்கிய பிறகு, புதிய கடவுள் ரோபோ மனிதர்களை விட 100 கோடி மடங்கு  புத்திசாலித்தனமாக  இருக்கும் என்று லேவண்டோவ்ஸ்கி தெரிவித்தார். மேலும் அவர் கூறும் போது:-

இந்த புதிய  கடவுள் போன்று போன்ற வேறு ஒன்றும்  இருக்க முடியாது.  இது  மின்னல் மற்றும் இடியுடன் கூடிய மழையையும் உருவாக்கும்  என கூறினார்.

இதற்கிடையில், நவம்பர் 4 ம் தேதி, நியூ சவுத் வேல்ஸ் பல்கலைக்கழகத்தின் பேராசிரியரான டோபி வால்ஷ், செயற்கை நுண்ணறிவு கொண்ட ரோபோ  2062 ஆம் ஆண்டில் மனிதர்களுடைய பண்புகளுடன்  பொருந்தும்  வகையில் உருவாகும் என்று கணித்துள்ளார்.

நியூ சவுத் வேல்ஸ் பல்கலைக்கழகம் வெளியிட்ட சமீபத்திய அறிக்கையில் அடிப்படை மாற்றம் ஏற்கனவே உலகில் ஏற்பட்டுள்ளது என்பது  நாம் எல்லாம் அறிந்து உள்ளதே.   வால்ஷ் 2062 ஆம் ஆண்டில் செயற்கை நுண்ணறிவு மனித உளவுத்துறைக்கு பொருந்தும் என கூறி உள்ளது.

இருப்பினும், புகழ்பெற்ற புரோடாரெலஜிஸ்ட் டாக்டர் இயன் பியர்ஸன், முன்னேறிய செயற்கை நுண்ணறிவு ரோபோக்கள்  எதிர்காலத்தில்  மனிதர்களை கீழ்த்தரமாக நடத்தும் என்று நம்புகிறார். முன்னேறிய ரோபோக்கள் எதிர்காலத்தில் இந்த பூமியில்  கட்டளையிடலாம் மற்றும் அவர்கள் மேலாதிக்கத்தை பெறும் போது அவர்கள் மனிதர்களுடன்  மிகவும் உணர்ச்சியற்ற முறையில் நடந்து கொள்ளும் என கூறி உள்ளார்.

ஏற்கனவே இயன் பியர்ஸனைத் தவிர, புகழ்பெற்ற இயற்பியலாளர் ஸ்டீபன் ஹாக்கிங்  முன்னேறிய செயற்கை நுண்ணறிவு ரோபோக்கள் பூமியில்  ஒரு பேரழிவைக் கொண்டு வரலாம் என எச்சரித்து உள்ளார்.

 ஸ்டீபன் ஹாக்கிங்  கூற்றுப்படி  இதன் நம்பகத்தன்மையை தன்மையைக் கண்டறிந்து  இந்த ரோப்போக்களை  வாழ்க்கையின் எல்லா அம்சங்களிலும் மனிதர்கள் வெற்றிகரமாக பயன்படுத்துவார்கள் எனவும் நம்புகிறார்

ஸ்பேஸ் எக்ஸ் விண்வெளி நிறுவனத்தை  நிறுவிய தென்னாப்பிரிக்க கோடீசுவரரான எலோன் முஸ்க் செயற்கை நுண்ணறிவு ரோபோக்களை வடகொரிய அதிபர் கிம் ஜோங்-அன் அணு ஆயுதங்களைவிட ஆபத்தானதாக மாற்ற முடியும் என்று கூறி உள்ளார்.