மே 11,
வரலாற்றில் இன்று.

நடனக் கலைஞரும், பயிற்றுனருமான மிருணாளினி சாராபாய் அவர்களின் பிறந்த தினம் இன்று.

மிருணாளினி சாராபாய் (11 மே 1918 - 21 ஜனவரி 2016 )இந்தியாவின் பிரபலமான நடனக் கலைஞரும், பயிற்றுனரும் ஆவார்.

அகமதாபாத் நகரில் இவர் கலைக் கல்லூரி ஒன்றை ஆரம்பித்து நடத்தி வந்தார். பரத நாட்டியம், கதகளி ஆகிய நாட்டியக் கலைகளில் இவர் 18,000க்கும் அதிகமானோரைப் பயிற்றுவித்தார்.

பத்மஸ்ரீ பத்மபூசண் உட்படப் பல விருதுகளைப் பெற்றவர்.

மிருணாளினி 1918 மே 11 அன்று கேரளத்தில்,முன்னாள் நாடாளுமன்ற உறுப்பினர் அம்மு சுவாமிநாதன் என்பவருக்குப் பிறந்தார். இளம் வயதில் இவர் சுவிட்சர்லாந்தில் வாழ்ந்தார். அங்கு டால்குரோசு பள்ளியில் மேற்கத்திய நடனம் பயின்றார்.இந்தியாவில் இரவீந்திரநாத் தாகூரின் வழிகாட்டலில் சாந்தி நிகேதனில் கல்வி பயின்ற மிருணாளினி சிறிது காலம் ஐக்கிய அமெரிக்காவில் அமெரிக்கன் நாடகக் கல்விக் கழகத்தில் இணைந்து பயிற்சி பெற்று இந்தியா திரும்பினார். இந்தியாவில் மீனாட்சி சுந்தரம் பிள்ளையிடம் பரதநாட்டியமும் தகழி குஞ்சு குருப்பு என்பவரிடம் கதகளி நடனமும் பயின்றார்.

விக்ரம் சாராபாய் அவர்களை மணந்து கொண்டார்.

மே 11, வரலாற்றில் இன்று.

எல்லிஸ் ஆர் டங்கன் பிறந்த தினம் இன்று.

அமெரிக்க மண்ணிலிருந்து வந்து தமிழ் திரைத் துறையின் வரலாற்றில் தவிர்க்க முடியாத அடையாளம் எல்லிஸ் ஆர் டங்கன்.

நாடக மரபில் நகர்ந்து கொண்டிருந்த  தமிழ் சினிமாவின் கதை சொல்லும் முறையில் புதுமையைப் புகுத்தியவர். கேமரா கோணம், ஒளியமைப்பு, குறியீட்டுக் காட்சிகள் எனப் பல அம்சங்களை அறிமுகப்படுத்தியவர்.

 இவர் அறிமுகப்படுத்திய நெருக்கமான காதல் காட்சிகள் காவிய ரசம் ததும்புபவை. அந்தக் கால கட்டத்தில் ராஜா ராணிக்கதைகள் மட்டுமே எடுத்துக் கொண்டிருந்த போது, சமூகத்தில் அவல நிலைக்கு ஆளாக்கப்பட்ட  "தாசிப்பெண்"ணையும் (கதை : பம்மல் சம்பந்த முதலியார்),   புலவர், தாசியை உருகிக் காதலிக்கும் "காளமேக"த்தையும் (கதை : பாரதி தாசன்) திரைப்படங்களாக முன்வைத்தவர்.

மே 11, வரலாற்றில் இன்று.

தமிழறிஞர் சுத்தானந்த பாரதியார் பிறந்த தினம் இன்று.

திருக்குறளை அதே ஈரடிகளில், அதே நடை, சந்தத்தில் ஆங்கிலத்தில் மொழிபெயர்த்தவர் சுத்தானந்த பாரதியார், 1968 ஆம் நடந்த உலகத் தமிழ் மாநாட்டில், அப்புத்தகம் திருநெல்வேலி தென்னிந்திய சைவசித்தாந்த பதிப்பு கழகத்தாரால் வெளியிடப்பட்டது.

மே 11, வரலாற்றில் இன்று.

இந்தியா பொக்ரானில் அணுகுண்டு சோதனை நடத்திய தினம் இன்று.

 இந்தியாவை உலக நாடுகள் அதிர்ச்சி கலந்த ஆச்சரியத்துடன் பார்க்க வைத்த இரண்டு முக்கிய நிகழ்வுகள் ஒரே இடத்தில் 24 ஆண்டுகால இடைவெளியில் நிகழ்ந்தன. ராஜஸ்தான் மாநிலம் ஜெய்சால்மர் மாவட்டத்தின் பொக்ரான் எனும் இடத்தில் நிகழ்ந்த அணுகுண்டு சோதனைகள்தான் அவை.

முன்னதாக, அணுமின் திட்டத்துக்கு அமெரிக்கா, கனடா ஆகிய நாடுகள் தொழில்நுட்ப அளவில் ஆதரவு தந்திருந்தன. எனினும், இந்தத் தொழில்நுட்பத்தைப் பயன்படுத்தி அணுகுண்டு தயாரிக்கும் பணியில் ஈடுபடக் கூடாது என்று நிபந்தனை விதித்திருந்தன. இந்நிலையில்தான் 1974 மே 18-ல் பொக்ரானில் அணுகுண்டு சோதனையை இந்திரா காந்தி தலைமையிலான இந்திய அரசு நடத்தியது மேற்கத்திய நாடுகளை அதிர்ச்சியில் ஆழ்த்தியது.

 ‘அமைதியான அணுக்கரு வெடிப்பு’ என்று பெயரிட்டதன் மூலம் இந்த நிபந்தனையை மீறவில்லை என்று இந்திய அரசு அறிவித்தது. புத்தர் பிறந்த தினமான புத்த பூர்ணிமா அன்று நடத்தப்பட்டதால் இந்நிகழ்வு ‘சிரிக்கும் புத்தர்’ எனும் பெயரில் அழைக்கப்படுகிறது.

1998-ல் மீண்டும் ஒரு அணுகுண்டு சோதனை நடத்த வாஜ்பாய் தலைமையிலான இந்திய அரசு தயாரானது. இதற்கு 3 ஆண்டுகளுக்கு முன்னரே அணுகுண்டு சோதனைக்கு நரசிம்மராவ் தலைமையிலான அரசு தயாரானது. ஆனால், பொக்ரானில் அணுகுண்டு சோதனைக்கான தயாரிப்புகள் நடந்துகொண்டிருந்தது, உலகத்தைக் கண்காணித்துக்கொண்டிருக்கும் அமெரிக்க செயற்கைக் கோள்களின் கழுகுக் கண்களில் பட்டுவிட்டது. இதனால், இந்தத் திட்டம் ஒத்திவைக்கப்பட்டது. வாஜ்பாய் அரசு அதை நிறைவேற்றிக்காட்டியது.
அதாவது, அமெரிக்க செயற்கைக் கோள்களின் பார்வையில் படாத வகையில் ஏற்பாடுகளை இந்தியப் பாதுகாப்பு ஆராய்ச்சி மற்றும் மேம்பாட்டு நிறுவனம் (டி.ஆர்.டி.ஓ.) மேற்கொண்டது. சுழன்றுகொண்டிருக்கும் செயற்கைக்கோள்கள் பூமியில் பொக்ரான் பகுதியிலிருந்து வேறு திசைக்குத் திரும்பியிருந்த கால இடைவெளியில் அணுகுண்டு சோதனையைச் சத்தமின்றி முடித்துவிட்டது இந்தியா. மத்திய ஆராய்ச்சி மற்றும் மேம்பாட்டு நிறுவனத்தின் டைரக்டர்-ஜெனரலாக அப்துல் கலாம் இருந்தபோது இந்த சோதனை நடைபெற்றது.
சோதனை முழு வெற்றியடைந்ததாக அப்துல் கலாம் குறிப்பிட்டார். மே 11-ம் தேதி ராஜஸ்தான் மாநிலம் பொக்ரானில் 45 கிலோ டன் ஹைட்ரஜன் குண்டை வெடித்து இந்தியா சோதனை செய்தது. அதே ஆண்டு மே 13-ம் தேதி இரு சிறிய குண்டுகள் வெடித்து சோதனை செய்யப்பட்டது. இந்தச் சோதனைக்கு ‘சக்தி’ என்று பெயரிடப்பட்டிருந்தது.
அமெரிக்காவின் அப்போதைய அதிபர் பில் கிளிண்டனால் இதை நம்ப முடியவில்லை. அமெரிக்காவின் உளவு நிறுவனமான சி.ஐ.ஏ., தேசியப் பாதுகாப்பு அமைப்பு ஆகியவை இவ்விஷயத்தில் இந்தியாவிடம் ஏமாந்துவிட்டதாக அமெரிக்க அரசு கருதியது. இதற்கிடையே, இந்தியாவுக்குப் போட்டியாக 1998 மே 28-ல் சாகாய் எனும் இடத்தில் பாகிஸ்தானும் அணுகுண்டு சோதனை நடத்தியது. இதையடுத்து, இரண்டு நாடுகளையும் அமெரிக்கா கடுமையாகக் கண்டித்தது. அமெரிக்கா, கனடா, ஜப்பான் போன்ற நாடுகள் இந்தியாமீது பொருளாதாரத் தடைகளை விதித்தன.

தி இந்து

மே 11, வரலாற்றில் இன்று.

தேசிய தொழில்நுட்ப தினம் இன்று.

புதிய தொழில்நுட்பங்களை உருவாக்குவது; இளைஞர்களுக்கு அறிவியல் மீதான ஆர்வத்தை ஏற்படுத்துவது ஆகியவற்றை வலியுறுத்தி, மே 11ஆம் நாள் தேசிய தொழில்நுட்ப தினம் கொண்டாடப்படுகிறது.

கொரானா பேரிடர் காலத்தில் கல்விக் கட்டணம் செலுத்த தனியார் பள்ளிகள் வலியுறுத்தல்

தமிழ்நாட்டில் ஊரடங்குக் காலத்தில்  11.05.2020 (திங்கள்) முதல் 34 வகை கடைகள் திறக்கப்படுகிறது!
தமிழக அரசு அனுமதி !

RTI யில் அதிர்ச்சி தகவல் _ தள்ளி வச்சது ரூ 4லட்சம் கோடியில் வசூல் வெறும் ரூ45 கோடி தான்

மத்தியஅரசே! செம்மொழி தமிழ் ! சீ்ரிளமை மொழி தமிழ்! மறக்கலாமா?!மறைக்கலாமா?

மே 10, வரலாற்றில் இன்று.

நெல்சன் மண்டேலா வெள்ளையர் ஆட்சியிலிருந்து விடுதலை பெற்ற தென்னாப்பிரிக்காவின் முதலாவது ஆப்பிரிக்க இனத்தை சேர்ந்த குடியரசுத் தலைவராக பொறுப்பேற்ற தினம் இன்று (1994).

 மண்டேலா, இனவெறி ஆட்சியில் ஊறிக்கிடந்த தென்னாபிரிக்காவை மக்களாட்சியின் மிளிர்வுக்கு இட்டுச் சென்றவர். அமைதிவழிப் போராளியாக, ஆயுதப் போராட்டத் தலைவனாக, தேசத்துரோகக் குற்றம் சுமத்தப்பட்ட குற்றவாளியாக, 27 ஆண்டுகள் சிறையில் வாடி பின்னர் விடுதலையாகி குடியரசு தலைவராக, அமைதிக்கானநோபல் பரிசு பெற்றவராக இவரின் அரசியல் பயணம் தொடர்ந்தது. 2008 ஜூன் மாதம் பொது வாழ்க்கையிலிருந்து விலகுவதாக அறிவித்தார்.